القصيدة :هلك شالو
الرادود:سيد فاقد الموسوي

ـــــــــــــــــــــــــ ـــــــــــــــــــــ
يـل مخلص سحگ ﭼـا بيمن اشتمك
يمن جنت على اديه گماطك يلمك عبد شمسوي گلي وخربو رسمك
كتر ما بيك سالم طشرو جسمك
بلا فياي
ادور عليك والهيمة بلا فياي
شني الماي
عليك انطگع يوليدي شني الماي


دللول الولد يبني دللول
ـــــــــــــــــــــــــ ـــــــــــــــــــــــــ ـــــــــــــــــــ
هلك شالو واجيت اتفگد رسومك
نمت يمه شكثر ما خلصت نومك
عبد باﭼـر شمس يالماهن هدومك
اضملك من عباتي وغطي بلعومك
يعطشان
جبتلك ماي يوليدي يعطشان
يذبلان
عمت عين العطش يبني يذبلان


دللول الولد يبني دللول
ـــــــــــــــــــــــــ ــــــــــــــ
يل بطول السهم جرحك شسويله
لا ينشد واشده بطارف الشيله
مهدك والحضن فرغن فرد ليله
والفارغ مكانه شلون الوليله
اهز بيك
ميت وانه اگعدنك واهز بيك
اناغيك
بس گماط گدامي واناغيك


دللول الولد يبني دللول
ـــــــــــــــــــــــــ ـــــــــــــــــــــــــ ـــــــــــــــــــ
يمن توها بضحكتك طلعن سنونك
عمت عين العطش شمسوي بعيونك
الولي وانت ميت لا يگعدونك
دللول
يعبد الله يعبد الله دللول
گضه الـﭼـول
ادورك وانت ماهو گضه الـﭼـول
ـــــــــــــــــــــــــ ـــــــــــــــــــــــــ ـــــــــــــــــ
يلـ بنحرك حرز ليش السهم جاسك
المكان الـ بـيه ابوك من الصغر باسك
عبد يمه الرمل شمسوي بانفاسك
ما كفه الرمح من ركبو راسك
نمت وين
عگب حضني يالمدلل نمت وين
نياشين
يمن ما ضلت بجسمك نياشين
كاروكك دوه وذبحو دللولك
يالمفزز هلك كلما يناغولك
ادور بالجثث شو محد بطولك
مهد يبني على گدك وين يلگولك
يمذبوح
يعبد الله يعبد الله يمذبوح
بده النوح
يعبد الله يعبد الله بده النوح