قصيدة: احبك
الرادود : سيد فاقد الموسوي
كلمات : حمزة الحسناوي
ـــــــــــــــــــــــــ ـــــــــــــــــــــــــ ــــــــــ
احتراماً للعطش ضليت عطشان
عفيت وما رضيت النهر ينهان
او چنت تكدر تسوي الماي دخان. حبيبي
مشيت انتَ. رغم جان الهوه ايريدك
مشيت انتَ. حمدت الله وبست إيدك
احـبكَ...احـبكَ
ـــــــــــــــــــــــــ ـــــــــــــــــــــــــ ــــــــــ
شفت من جدمك لحد جسمك جروح
گلت ارسم خيالك بلكي بي روح
يجي براسي الصده مذبوح مذبوح. حبيبي
شنو العندك سلم يالميت اضعاف
كثر ما فوك صدرك جم جرح طاف
الحجي الذاك البگلبك گام ينشاف. حبيبي
طحت عالي. الرمح بيك انگطع نفسه
واذا خالي. مكانك زينب تحرسه
احـبكَ...احـبكَ
ـــــــــــــــــــــــــ ـــــــــــــــــــــــــ ــــــــــ
احب امي التحطك بالدللول
عدو حسين الذليل وساكن الچول
عايش عدنه عنك چانت دگول. حبيبي
ابوي العلماني وگالي بهاي
سلم على حسين بشربة الماي
شكثر تاناني اكبر ومشي مشاي. حبيبي
عمر يسوه. گضت بالمجلس ايامك
اهل نخوه. لگيت حسين خدامك
رحت فدوه. لليخدمون ابو الاكبر
صدك حلوه. اذا بچفوفك اتوذر
احـبكَ...احـبكَ
ـــــــــــــــــــــــــ ـــــــــــــــــــــــــ ــــــــــ
احبك ثوره من الحاء للنون
احبك فطره بچفوف اليلطمون
احبك جنه مو بس لليصلون. حبيبي
يا اول عالي يعله بكلمه الطاح
حته الحط رگبتك فوك الارماح
بسمه تصيحه ما صايحله ذباح. حبيبي
وحك روحك. احبه الخاطرك روحي
هوه وريه. صرت وي اليحبونك
عشت بيه. رغم ما شايف عيونك
احـبكَ...احـبكَ
ـــــــــــــــــــــــــ ـــــــــــــــــــــــــ ــــــــــ
اخيرا بالحرب من عل الزلم طاف
درع مو خوف يلبس يا وكت خاف
لان زينب بگلبه وخاف تنشاف. حبيبي
حبيبي الماكو منه حسين بالكون
حنين وللسهام يوزع عيون
جزت كون الحوافر لو عمت كون. حبيبي
يبو سكينه. الك فوك السمه قرايه
بواچينه. الك هم تمشي مشايه
احـبكَ...احـبكَ
،ــــــــــــــــــــــــ ــــــــــــ
رد مع اقتباس