القصيدة:خلصت ذيچ الأيام
الرادود:علي سلمان الخيگاني
ـــــــــــــــــــــــــ ـــــــــــــــــــــــــ ـــــــــــــ
خلصت ذيچ الأيام ..وطاح حسين اخونه

ماتت كل الأحلام
بخيل نار واجونه
حرگوا كل الخيام
ع الهزل خذونه
للخيمة اجوني وهدوا عليه
چنت بدلالك هسه سبية
ترضى الشماتة ينادوني بأسمي
بشام المصايب مچتوفة ادية
الناگة هزلة وزينب چبيرة
هضمتني خوية الطفلة زغيرة
بعين الفواطم حيرة وبواچي
من شفنه طاحت كل العشيرة
چنت بفي الحسين
هسه بفي الشماتة
بعد كل هاي السنين
سباية مدلالاته
چتفوا ايدي والعين
ضلت يم بناته
من يمتى امشي امشي بلا في اخوتي
ع تل اجيتك وامنيتي موتي
هاي النهاية الما چنت اضنهه
طايح عضيدي وطايح تجوني
طايحلي كافل فوگ الترابه
من في عباته لفي الخرابة
صارت مصيبة تعجز المصايب
لا من عشيرة ولا من گرابه
هاشم فوگ التراب
فرن بالبراري
وگلبي محمل عتاب
وي ذيچ الصحاري
والزيدلي المصاب
شفت حسيني عاري
ذاك الجمال وذيچ الشهامة
سلبوا جماله وحتى العمامة
وخده الشريف توسد ترايب
وللغربة راحت كل اليتامه
صحنه الحگ النا وما رد علينا
وتيقنت اخونه راح من ادينه
لا ضلي والي ولا ضلي كافل
يشتمونه واحنه خوية شبدينه
راسك ع الرمح صاح
هونك ويه بناتي
شلون اغفى انه وارتاح
وسبايه اخذوا خواتي
إذا طحت الضعن طاح
مچلبات بعباتي
شفتك تحاچي الحادي وتسأله

شلون الأميرة تروح ع الهزلة
هاي الجليلة وبنت الهواشم
وچلمة غريبة مربيتلي علة
بدربي المشيته تنضرلي عينه
لو ادري خوية چا ما مشيته
بنص الصحاري يركضن خواتك
يبن أمي وينك خوية نسبينه
راح ارجع خويه لخيامك