(﷽)


:تذكار محرم
:حمزة السماوي
ليلة 1 محرم 1448 هـ
موكب أم الحسن ع - البصرة


شهر المحرم عندك بكل ليلة تذكار
أنت المعزى سيدي يا صاحب الثار

ليلة الواحد من محرم يجري دمعك
إنت الهلال البالسماء و محني ضلعك
ليلة الثاني يا بوصالح حيرة وضعك
مجلسنا تحضر سكتة تبجي وما نسمعك
من نقرا تلطم بس مغيب عن الأنظار
أنت المعزى سيدي يا صاحب الثار

ليلة الثالث بالبواجي شكد ثقيلة
تقعد و تقرا شكد رسايل للعليلة
تلقى رسالة حسين كاتب مو طويلة
ذبحوني بوية الرجعة صارت مستحيلة
ليلة الرابع تبجي دم لام أربع أقمار
أنت المعزى سيدي يا صاحب الثار

ليلة الخامس تنعى مسلم يا بوصالح
بالحبل ينجر بالأزقة بدمه سابح
بجبينه ضربة من تشوفه يعني واضح
هذا ابن عمكم على وجهه جان طايح
ليلة السادس تمشي من مسلم للأنصار
أنت المعزى سيدي يا صاحب الثار

ليلة السابع صوت تصرخ يا بوفاضل
يرجع حسين من الشريعة ظهره مايل
تبجي على زينب راح تبقى بلاية كافل
حرقوا خيمها عمت عيني والمحامل
ليلة الثامن تروح يم جسام محتار
أنت المعزى سيدي يا صاحب الثار