من ضلعها يبدي محرم
من ضلعها حرگ المخيم
شهر الدمع شهر الحزن
يبتدي من كلمة وإن
من ضلعها
_____________________
اصل عاشور ، ضلع مكسور
وكلشي صار بفاطمه بحسين صاير
الحركو الدار ، حاجو النار
عدنه خيمه بكربله نحرّكها باچر
أو وره الضلعين ، عدنه الحسين
ضلوعه مو بالباب نطحنها بحوافر
اسسو دين ، يذبح حسين
ال وإن كسر ضلوع لو گطع المناحر
يا محمد قتلو بضعتك
يا محمد ذبحو عترتك
ومختصر كل دمع الجفن
يبتدي من كلمة وإن
من ضلعها
_____
دفعت الباب ، فتحت الباب
ويوم عاشر يبدي من الباب قصته
محسن يطيح ، وحرمله يصيح
ضامي ابن حسين وبنبله ذبحته
طفل عطشان ، جنه قران
طير يرفس بيد ابوه مذبوح شفته
قلبه مجروح ، وابنه مذبوح
اتصور ابنك تنگطع بيدك رگبته
بيده ابنه ودمه اعله صدره
بيده ابنه كطعوله نحره
وبكربله ذبح الأبن
يبتدي من كلمة وإن
من ضلعها
_____
حركت الباب، كتبت مصاب
بالعصي وسياط بتج يضربوها
حرك خيمات، وكلها شمات
فوك حرك الخيم زينب سلبوها
نفس الوجوه، بصوت مكروه
باچر يصحون زينب طلعوها
شافت الراس، بيد الانجاس
ضحكو وحرگو كلبها براس اخوها
راس اخوها يبچي عليها
راس اخوها يشاهد سبيها
وضرب السياط العالمتن
يبتدي من كلمة وإن
من ضلعها
_____
ثار للباب ، يريد طلاب
و الا من ناصراً تنتظر ناصر
ياخذ بثار ، الخيم والدار
وثار علويات داستها الحوافر
ثار ايتام ، وطفله بالشام
بالخرابه ماتت ومكسوره خاطر
العين عباس، يلطم الراس
ويبجي دم كلما يجي مصباح عاشر
يا بو صالح ثارك يريدك
يابو صالح رايتنه بيـدك
وجرح القلب لمن يون
يبتدي من كلمة وإن
من ضلعها
_____
كلمات : مصطفى العيساوي
رد مع اقتباس