يا دلالي ذوب وهل يدمع العين
عالماتت وتصرخ آيضلع حسين
واويلي على حسين
واويلي على حسين
——————-
حگها عيوني لو شيب جفنها
أم وبكل عزه مسموع ونها
آنه الوالده المذبوح ابنها
آنه الكل نواعي حسين منها
ومنين الصبر گلولي اجيبه منين
عالماتت وتصرخ ايضلع حسين
واويلي على حسين
واويلي على حسين
———————
خلف الباب ضلعي مره كسروه
وصدر ابني درب للخيل سووه
اصيح وليدي كافي لا تسحكوه
بحوافر خذو ثوبه وعاري خلوه
كون من اللطم نكسر ضلع واثنين
عله الماتت وتصرخ ايضلع حسين
واويلي على حسين
واويلي على حسين
——————
محسن طاح مني وطلعت الروح
وعبد الله جرح يلچم بالجروح
بيد حسين يرفس طير مذبوح
الله يعين گلب امه على النوح
معذوره يعيني من البچي تعمين
عالماتت وتصرخ آيضلع حسين
واويلي على حسين
واويلي على حسين
—————
فوگ العصره سطرو وجهي يا ناس
وسهم صارت السطره بعين عباس
رد حسين منه مشيب الراس
وصاح انگطع نحري وصدري انداس
والعباس بالطف گطّع الچفين
عالماتت وتصرخ ايضلع حسين
واويلي على حسين
واويلي على حسين
——————
انه النبت بين ضلوعي بسمار
كُبر بسماري ومثلث سهم صار
صاب ابني وعبرها لضلوعه الگصار
وطاح اعله الرمل وادري الرمل حار
خل نلطم صدرنه ونلطم الخدين
عالماتت وتصرخ ايضلع حسين
واويلي على حسين
واويلي على حسين
—————
وين اهل اللطم خل تلطم وياي
عاري حسين ظل ويدور فياي
يهل الرحم مات وما شرب ماي
وزينب عگب اخوها فاجده الراي
عين المهدي من دم تبچي صار اسنين
عالماتت وتصرخ ايضلع حسين
واويلي على حسين
واويلي على حسين
الشاعر : كرار حسين الكربلائي
رد مع اقتباس