مو جرح واحد ويشفه ادعيله
ابني مذبوح يعالم شداويله
ولا تعب بي واكولن يرد حيله
باقي عالكاع ولا واحد ايشيله
يمه الولد..وحده بقه ابين الغرب
يمه الولد..نايم لكيته اعله الترب
يمه الولد..يا ميت اعيونه تصب
ميت وعينه فتحهه ينتظر
ذاك الظهر شي ينطره
غمض اعيونك كلتله انه اوصلت
بس الوكت مسرع تره
ردت اسد اعيونه واهتز الجسد
كلي بعد انطر مره
انطر الما طالعه طول العمر
يمه انتظر حرمه امخدره
.......................
انه امه العله اتراب يخلونه
بيدي امسح يويلي دمه اجفونه
خاطر ايشوف ضعن يبقه من دونه
وبالحرگ بيدي اغمضهن اعيونه
يمه الولد..اخر دلالي بكربله
يمه الولد..سديت عينه بالفله
يمه الولد..وبعبايتي فييت اله
حرك اجفوفه وحرت شنهو القصد
چنه يصد واحد اجه
اشر التل وطلع صوت النحر
كال ابقهر بيه ارتجه
يمه ارفعي اجفوفي خل آومي الاخت
ضاعت تلتفت كالها وبچه
يمته ما متعوده تركض والگلب
كله رعب طمنيها حچه
......................
حيره ابقه ابكتر ابني لو ارحل
اتلگه ضيفه الاجه يركض امن التل
العطر دله بيها الولا تندل
انت ابن امي يحسين المدلل
يمه الولد..هل حال بعيوني شفت
يمه الولد..لمن اجت فوگه الاخت
يمه الولد..صاحت اخي ويمه صحت
صرنه تنتاوب نعاوي اعله الولد
انه اعله المهد وهي اعله الخيم
ايدي بضلوعي واديها اعله المتن
ننعى ونون بجروح وألم
ابحضني ساعه وساعه حضن اختك الك
عود اندللك نام ولا تهم
يا دلالي الراح بخيول العده
الضل وحده لا اخو لا علم
...............................
من بچينه اجه هسه موعدها
عافته اخته وانه بدمعي أنشدها
العدها رايه صعب تمشي وحدها
اتكلي يمه الهزل رادت اصعدها
يمه المره..مو مال تمشي اعله الهزل
يمه المره..لو عدها والي ضل عدل
يمه المره..ما ينشد ابچفها حبل
انه لوليدي بعد بيه بچي
وصار الحچي عالهزل صعب
گبل ما عدنه مره تمشي بسبي
بنت النبي تطلع للغرب
بعد ياموت التضمه كربله
ضعنه بالفله وهوَ اعله بالترب
جرح غيره وجرح ماي وعايله
جرح الهازله شيصير الگلب
........................
كلمات:جعفر صادق الساعدي
رد مع اقتباس