المن جاي
رد يحسين
ناسك باعت الذمه
المن جاي
رد يحسين
مسلم طشرو دمه
…
ضمير الناس مات وصار. غش الكيل بالميزان
باعت گطرت الوجدان… وجاسرت عالقرأن
تمادو على خيام حسين.. شعلو بيهن النيران
من لبسو لباس الدين... وتظاهرو بالاحسان
بانت كل خفاياهم
طغو وبليس وياهم
يشاطرهم نواياهم
المن جاي
رد يحسين
ناسك باعت الذمه
&&&
هاي الناس سوده گلوب يغمسون الفرح بالدم
ماعدهم حيا ولا دين.. لا عدهم عشيره وعم
الصابو رضيع حسين... وتمادو عالمخيم
نفسهم رجعو بهاليوم.. كتلوها الطفوله ابسم
بانت كل خفاياهم
طغو وبليس وياهم
يشاطرهم نواياهم
المن جاي
رد يحسين
ناسك باعت الذمه
ماهمهم علينه اشصار ..ناس تسلطت بالدين
باعو وشترو بينه… باعو والضحيه حسين
ردو طفك علينه.... لاخنصر ولا جفين
نفس الشمر ذاك اليوم عاد وصوبك مرتين
بانت كل خفاياهم
طغو وبليس وياهم
يشاطرهم نواياهم
المن جاي
رد يحسين
ناسك باعت الذمه
&&
نفس الوعد والموعود... لكن بالخلاف الصار
كالو بس نجي انعمر ...ونلم كل شعبنا ابدار
اولها انغدر مسلم... وضحايانه غدت طشار
ذاك الطاس والحمام... رسايلهم هشيم ابنار
بانت كل خفاياهم
طغو وبليس وياهم
يشاطرهم نواياهم
رد يحسين
المن جاي
ناسك باعت الذمه

تاريخ الغدر معروف... بالطف انكتب عنوان
گالولك تعال وشوف ...بايعنه گلب ولسان
لكن بالحقيقه اشصار ...صار المايقبله انسان
باعو دينهم بالمال... بلا ذمه ولا احسان
بانت كل خفاياهم
طغو وبليس وياهم
يشاطرهم نواياهم
رد يحسين
المن جاي
ناسك باعت الذمه

علي تكليف الصگبان