عركة وي النعاس انخلص الليل
ومخنوكة الصدور ونارها تفور
ملتهبين مو بالجسد بالروح
ما ندري على يا ساعة ونثور
بينا الباله شارد يم الاعزاز
وبينه الباله يم خبزة التنور
وبينا المنغدر من اقرب الناس
وبينا العاشك الخلصها مغدور
وبينا التايه الضاع من الايام
وبقى ايراوح ابنفس النقطة ويدور
جف لون الوجه واصفرت الروح
وماتت كاعنا وصبحت بس بور
اليشوف اجسادنا كدما نحيلات
وشحوب اوجوهنا المابيها كل نور
ما يحسبنا بين ابيوتنا نعيش
حسباله نعيش ابنص الكبور
يتهمش رغم من ينطش الماي
لجن قادر ايعيش ابين الافطور
عازه بعازه نكبر مو بالاسنين
وفقط بس بالفلم شفناها الاقصور
ورغم مو صح ولكن وي الاقدار
جدل عدنا بخصوص العمره مقهور
لا درنا ظهرنا لفرض لا دين
لا غنينا من تندك الصدور
وصح مو خوش اوادم لجن بالروح
نقاوة بكد نعومة ريش الاطيور
عليمن جا عبث اعـمارنا تضيع
وباعماق الهموم ارواحنا تغور؟
وشنو معنى الوجود الكله تهميش
اذا بأي لحظة نخلص مثل الابخور؟
-سجاد محمد
رد مع اقتباس
المشاركة الأصلية كتبت بواسطة عدنان الواثق
