ـــــــــــــــــــــــــ ـــــــــــــــــــــــــ ــــ
القصيدة: ها هُنا
أداء: الملا محمد باقر الخاقاني
كلمات: الشاعر احمد عباس المياحي
ـــــــــــــــــــــــــ ـــــــــــــــــــــــــ ــــ
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ
وصل .. ظعن حسين وعياله
يشع .. نوره ويزهر جماله
لابو فاضل گله انصب مخيمي
نزل .. ساحة كربه وبلائه
علا .. صوت حسين وبكائه
ها هُنا گاللهم يسفكوه دمي

ها هُنا .. محطُ رِحالِنا
ها هُنا .. تُسفَكُ دِماؤنا
ها هُنا .. تُسبى نِساؤنا

ها هُنا .. قتلي بغُربَتي
ها هُنا .. يحرگولي خيمتي
ها هُنا .. بالهيمه عيلتي
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ
جمع .. كل اصحابه بجواره
ندب .. يا انصاري الغيارى
بالثبات اعرفكم وتاد الحرب
مثل .. هاي الصحبة ووفاها
منو .. قبلي وبعدي لگاها
بالقتل يدرون ولا رف گلب

ها هُنا .. أناديكم دون رد
ها هُنا .. ماتجيبوني أبد
ها هُنا .. ما الي ناصر بعد

ها هُنا .. ريح الموادع تهب
ها هُنا .. يمكم أگعد وانتحب
ها هُنا ..من دماكم اختضب
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ
نظر .. ولده بظعنه وتحسّر
هنا .. تُذبَح يبني يالاكبر
''على الدنيا'' بعدك اصيح العفا
بچى .. وشايل عبد الله بيده
بدا .. يشمّه ويمح وريده
ها هُنا تراوالي دماه نازفه

ها هُنا .. يُقتَلُ كبيرُنا
ها هُنا .. يُذبَحُ صغيرُنا
ها هُنا .. يُغدَرُ غديرُنا

ها هُنا .. جاسم منيته
ها هُنا .. يطفوها شمعته
ها هُنا .. من دمه حنته
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ
اجه .. يم عباس بخبائه
اله .. انطه الجربه ولوائه
گله انا وخدري بحماك انتخي
بكَ .. اشدُد أزري وعضدي
يبو .. فاضل أمنيه عندي
ها هُنا اسمعها تگلي أخي

ها هُنا .. عطش يولي عيلتك
ها هُنا ..يبدوها جربتك
ها هُنا .. يطيحوها رايتك

ها هُنا .. يا خويه يالگمر
ها هُنا .. تكسر الي الظهر
ها هُنا .. تضيعني عالنهر
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ
نعى .. نفسه وسمعن كلامه
بچن .. كل النسوه بخيامه
واحسيناه صرخه دوت بالخيم
اجت .. زينب شبگت اخوها
تشم .. ريحة امه وابوها
ها هُنا نتوادع يا راعي الشيم

ها هُنا .. أقدملك المهر
ها هُنا .. بوداعك انكسر
ها هُنا .. ولجيتك انتظر

ها هُنا .. يتانوها طلعتي
ها هُنا .. يشوفوها ركضتي
ها هُنا .. عالتله صعدتي
كربلا ويلاه يكربلا .. كربلا ويلاه يكربلا
ـــــــــــــــــــــــــ ـــــــــــــــــــــــــ ــــ