ـــــــــــــــــــــــــ ـــــــــــــــــــــــــ ــــ
القصيدة: برز للحومة
أداء: الملا محمد باقر الخاقاني
كلمات: الشاعر أحمد الهلباوي
ـــــــــــــــــــــــــ ـــــــــــــــــــــــــ ــــ
برز شبل المرتضى وخير العمل
هد علينا منين صاحوا الفحل
هذا الاكبر لو علي مات وعدل
يا وريث من العرب كتالها

ولا يتگابل عين بعين ولا يتكتر عنه
ـــــــــــــــــــــــــ ـــــــــــــــــــــــــ ــــ
الگاع ترتج حدر الاكبر من يهد
ومثل عمه لا يهاب ولا يرد
هلا بتربات الحسين الماله ند
الزلم من گد الركض شل حالها

وأول شارب داس عليه انذل جدامه الغانم
ـــــــــــــــــــــــــ ـــــــــــــــــــــــــ ــــ
صگر هاشم على خشوم الزلم حط
الجيش من الركض والرهبة فحط
خلفه سيف الاكبر وگدامه شط
أي درب للشردة ما خلالها

ماظل حيل ولا مشراد الطايح فوگ الطايح
ـــــــــــــــــــــــــ ـــــــــــــــــــــــــ ــــ
شافه سوه الحومة بالطف مجزرة
وهوس العباس سبع الگنطرة
الجابتك لبوه يالاكبر مو مره
وگلب ثاني كربلا حطالها

خله الدم لـ ارچاب الخيل بيوم الطبّ للحومة
ـــــــــــــــــــــــــ ـــــــــــــــــــــــــ ــــ
هوس العباس الأكبر والنعم
هلا يبن اليهزم وما ينهزم
هلا باليسحگ على خشوم الزلم
گالها وبالحرب سوه الگالها

أكثر من ماي الـ بالشط يالخليت الدم عالگاع
ـــــــــــــــــــــــــ ـــــــــــــــــــــــــ ــــ
هلا بچف المايثني صوابه
بزنده عمته شدت العصابة
سلّم الحومة لعمامه ترابة
شالها و دگها وسحل ابطالها

انتَ الخليت العسكر جذعة وتاكل بيها النار
ـــــــــــــــــــــــــ ـــــــــــــــــــــــــ ــــ