ـــــــــــــــــــــــــ ـــــــــــــــــــــــــ ــــ
القصيدة: سدوا الماي الماي
أداء: ملا محمد باقر الخاقاني
كلمات: الشاعر كاظم منظور الكربلائي
ـــــــــــــــــــــــــ ـــــــــــــــــــــــــ ــــ
سدوا الماي الماي...يا ضوه عيوني
يامن الهاشم گمر
وانتَ ملزوم إبهاي...يا ضوه اعيوني
ـــــــــــــــــــــــــ ـــــــــــــــــــــــــ ـــ
اطلعت من برج السعد بت علي واتگول...يا سعادتنا
يالمطوگ بالعهد وحارس المسؤول...عن كفالتنا
دنت ساعات الجهد والجهد مبذول...دون خـوتنه
إشـرد عليها العباس...ما تنشدوني
صاح آنه الموت الحمر...ما يمر بيچ الخطر
وآنه سيفي ابيمناي... يا ضوه اعيوني
ـــــــــــــــــــــــــ ـــــــــــــــــــــــــ ـــ
بالخيم سكنه اسمعت صوت بحر الجود...ويّه عمتها
اطلعت لاچن شطلعت...او شچت حالتها
يعم عطشانه اصرخت والچبد ممرود...ماي رادتها
يعم و بهذا الحـال...لا تخلوني
يعم چـاتلني الظما...او نار گلبي مضرمه
وجمر تجـدح عيناي...يا ضوه اعيوني
ـــــــــــــــــــــــــ ـــــــــــــــــــــــــ ـــ
ناده يا سكنة ابورع دخذي يالتردين...ماي من عيني
والله لو بيدي تگع رخصة من حسين...چان شفتيني
ما يهم عمچ فزع وأگلب الصوبين...بس تحشميني
واليهمون الكـون...ما يهموني
هالحرم ومخيمي...او كربلاء والعلگمي
تدخل ابسور احماي...يا ضوه اعيوني
ـــــــــــــــــــــــــ ـــــــــــــــــــــــــ ـــ
رد مع اقتباس
المشاركة الأصلية كتبت بواسطة المستشار القانوني
