هم اجي ابالك مثل نسمه غرام
لو يمر اسمي بثگل وزن الجبل

انه اغطيك بحلم لو مر ضواك
وازرع الشبگه اعله شباچك أمل

وامي تسألني شعجب مامر شتاك
شرد اگلها ليا حضن دافي انتقل

ماحضرت ابفاتحتنه … شعطلاك
ماوصلك خبر ضحكاتي الجلَل

ابابكم ..
حدت مناجلها السنين
وحصدت ايامي ونده ايامك ختل

ابابكم…
فرتني فر الذكريات
لحد ما عود الجسم خيط انفتل

امك تهلهل
وانه بضلوعي نار
اشچم جرح ميت بزفتكم عدل

روحي طلعت
من شفتهم طلعوك
ما سمعت ابابكم زلمه انكتل









ميثاق الهلالي