القصيدة: قبلة السهام
أداء: مسلم الوائلي
كلمات: محسن العامري


~~~~~~


قوموا غضاباً ايها الكرام
فذا حسين قبلة السهام


باقي بلا مناصر
بين الخيام حائر
فذا حسين قبلة السهام
~~~~~~~
گوموا يالسبعين كلكم حسين ضل محتار وحده
يا حبيب افزع حبيبك محني ما ضل كلشي عنده
من التعب يمشي يتمايل ينحني ومهره يسنده

الجنتوا ما ترضون اذا مسه الهوه
تلث فرق دارن عليه كلهن سوه
من التعب حيله انتهه وظهره التوه
وبعده ضامي حسينكم لا ما روه

اصابه سهماً لهُ شعاب
من اثره هوى على التراب

منهُ هوت عمامه
للموت ذي علامه
فذا حسين قبلة السهام
~~~~~
ألا من ناصر ينادي بهظمه وعيونه لخيامه
العمره ست اشهور فزعله ونذبح ذبحة عمامه
البگه براسك گتله سالم يگلي ما ضلت سلامه

يمشي يتوجه اعله سيفه من التعب
من بجه عليكم احس گلبي انشعب
يا زهير يگول يا حر يا وهب
هنا خواتي يصيحن حسين انسلب

مالي اناديكم فلا مجيب
اين زهير واخي حبيب

شمر دنا لذبحي
لو تنظروا لجرحي
فذا حسين قبلة السهام
~~~~~
افتر عليكم جثه جثه وضل يراويكم جروحه
وي كل نفس اليجره گمت احس اتشوغ روحه
حته رسن المهر ايده بقت ترجف ما تلوحه

ها يسبعيني الجنت بيكم منيع
الماله صاحب يخوتي بالطف يضيع
كربله مني خذت حته الرضيع
وحشمت من حيرتي حته الصريع

حسينكم بين العدا وحيد
وكل سيف منحري يريد

صبت علي رزايا
يا صحبت المنايا
فذا حسين قبلة السهام
~~~~~~~
طلع للحومه بكسرته مفرد بوجه العساكر
ركضت عليه ركضه وحده سهام ورماح وخناجر
بالحجر صابوا جبينه حسين ضل يكسر الخاطر

منين ما دار الوجه يلگه رمح
بيه صار الف وتسع مية جرح
بلحيته الدم خضر وما ينمسح
يا حبيب انهض ورد عنه الذبح

مذبوح يرجو نصرت المذبوح
صار الحسين عالثرى مطروح

اما ترون حاله
قد قطعوا وصاله
فذا حسين قبلة السهام
~~~~
من المهر طاح اعله وجهه انكسرت بصدره السهام
وگفت عالتله وصحتله خاليه اعذرني الخيام
خويه ريت البيك بيه وبمجانك كون انام

جيت اگلك خيمتك حرگوها
وزينب السبعين الف شافوها
گاعك الغربه انتهض داسوها
وراية الكافل يخي شگوها

عليك قد امطرت السهام
ونحن بين النار والخيام

ليتني لم أراكا
على الثرى دماكا
فذا حسين قبلة السهام

°°°°°°°°°°°°°°°°°°°°°°°°° °°°°°°°°°°°