القصيدة: بيت ابو طالب
أداء: مسلم الوائلي
كلمات: المرحوم عطيه الجمري
وعلي الأكبر الغرابي


~~~~

بيت ابو طالب غابت انواره
اليوم ابو السجاد اغلق ادياره

~~~~~
شال ابو سكينه و وحدي خلاني
مدوهنه والنوح جرح اجفاني
ما اضن ابويه حسين ينساني
محيره وعندي ما بگت جاره
~~~~~
صعد العيله وگوض ضعونه
ومن وصل يمي غمض عيونه
سافر وروحي معلعله بدونه
ومن مشه ضلت روحي محتاره
~~~~~~
سافر وضليت بعده مهظومه
وانظر الداره ساكنه البومه
واضن هالسفره علينه مشيومه
وتدري بالكوفه قلة انصاره
~~~~
ياهو اليگله فاطمه تريده
ومن مشه وانه ساجنه البيده
ولسه أثر بيدي ضال من ايده
بيوم ودعني ودمعي يتجاره
~~~~~
رحت يم عمي واجذب الونه
وگتله مكتوبه ما وصل منه
ها ينور العين شالخبر عنه
والمشه عني انگطعت اخباره
~~~~~
سولف محمد والوجع دايم
لا تنشديني عن بني هاشم
عمي ابوج حسين ما يرد سالم
وسولف وگلبي تلتهب ناره
~~~~~
شال وعلينه موحشه بيوته
جانت مزهره بگعدته وصوته
عايف حياته وگاصد الموته
يا وسافه تروح نسوته ايساره
~~~~
غربوا والدار شستلذ بيها
موحشه وهيمه دون اهاليها
صار طير الشوم يفتر عليها
عگب ابوي حسين من هجر داره
°°°°°°°°°°°°°°°°°°°°°°°°° °°°°°°°°°°