هنا

[✿ EshiQ ✿]

القصيدة: عنك نشد حته الثار
أداء: مسلم الوائلي
كلمات: حسن الترابي

~~~~

وعدك يغايب يا يوم
گلب اليحبك ملجوم

عنك نشد حته الثار .. يالمهدي وينك
عن الفرج ماكو اخبار .. يالمهدي وينك
گلب اليحبك ملجوم
~~~~~
يفراگك اليشرب بجي
وبصدري حافر ينتجي
وين الگه شراي الحجي
.. وشكيله حالي من اجفاك

بجفوفي كل مغرب ألم
ادعيتي ودموعي وأهم
بالتسعه والتسعين إسم
.. اتوسل الله بملگاك

يتهامس بگلبي العطش وبس انت اشوفنك ماي
صحره المشاعر وانفرش في من خضارك فوگاي
ومر حزنك بگلبي اهدعش من عاشر حسين وجاي
بجروحي حادي الدم غبش واللجمه شوگك مولاي

كل العمر بيدك صار .. يالمهدي وينك
عنك نشد حته الثار .. يالمهدي وينك
گلب اليحبك ملجوم
~~~~
يالمهدي حته الثار الك
حن وبجه ويتوسلك
ويگلك معاتب هلك
.. جارحني ومتعب الروح

مو زينب التصعد هزل
مو زينب التمشي بحبل
ادري الحجي ما ينحمل
.. غير الجره اعله المذبوح

جارح يبو الغيبه العتب لا ينسمع لا ينعاف
عن كلشي بالطف ما عرب ما سولف بكلشي انشاف
حسينك عله الغبره انسلب والخيل اجت فوگه ارداف
هم روحه يوگف ونگلب ما خلت بطوله اجتاف

لخيامه أشر وندار .. يالمهدي وينك
عنك نشد حته الثار .. يالمهدي وينك
گلب اليحبك ملجوم
~~~~~
عن ياهي اسولف ياهي اغض
بكلهن يغايب ما تفض
شجاب الفواطم للركض
.. ما لايگ الهن مولاي

يالمهدي والما تنعبر
ركضن سوه بذاك العصر
لمن بالحسين شكثر
.. وشيلمه لو طاح الماي

بالف وتسع مية جرح يدورن والعيون غروب
ما حصلن غير الذبح وكل طول ابوهن منهوب
شي بالحوافر والرمح بالراس كاشخ والثوب
ماخوذ گوه من السمح وبراحة الطف مگلوب

بيمن يغايب تحتار .. يالمهدي وينك
عنك نشد حته الثار .. يالمهدي وينك
گلب اليحبك ملجوم
~~~~
يا غاية الحب والگلب
ما ارجه شي غير القرب
بالعندي والما عندي احب
.. بعيوني لشوگ اسرار

يا دمعه بعيون المهج
اقره بروايات الفرج
بالباقي لله من الحجج
.. وجفت بحار الأنوار

يم كل روايه اذبل عشگ ويلهف عيوني الشوگ
مو وجهي مخطوف اليدگ ومبين شگد مخنوگ
بفراگك اليجرح صدگ گلب اليحبك ملحوگ
ثوب ومشه بطوله الحرگ وبعيونه شابح للفوگ

دم منحر افراگك حار .. يالمهدي وينك
عنك نشد حته الثار .. يالمهدي وينك
گلب اليحبك ملجوم

[مـِـــيرآل]

شكرا للجهود المبذولة حبيبتي