هنا

[✿ EshiQ ✿]

القصيدة: ابن امي طايح
أداء: مسلم الوائلي
كلمات: قاسم رضا
~~~~~
حسين .. حسين
~~~~~~~
يالشاركتني من الربه خلهن عليه همومي
ضميته حزنك والجفن صار اسود من هدومي
انهد حيلي من ذاك الظهر من گتلي زينب گومي
ورديت كل عثره برمح والشيب غطه ارسومي

ثبت جدمي گوه بمشيته
وتعب عمري طايح لگيته
وبقيت انعه عالدللوني
لون ينشره الوالي شريته

ذاك الجزيته اعله الترب
انه امه واخته وكل هله
وحسين مو حي الله ابن
مدلل واخيته مدلله
~~~~
يحسين لله المشتكه بس وحده شلت حالي
هيج اليظل بلا هله ينزلون راسه العالي
بيبان اهلنه مشرعه ينسدن اول تالي
جا غير خلصت كربله شبيها الهزل تبرالي

هلي وما بقت بيدي حيله
هلي الدنيه صارت هزيله
عگب ذاك خدر الليالي
العقيله صفت مو عقيله

مكتوب اظل معلعله
وحزنك يغير لوني
ما شفتك بنومك عدل
الدم غوشاها عيوني
~~~~
سد ريتي وانه بخيمتك خويه السهم من صابك
وركض اجيتك يالولي الطم ونوح امصابك
كضيت روحي بيا علي من شفت خويه اخضابك
وتشهد عباتي اعله الركض ما شلت منها ترابك

عطر خوه باقي بعباتي
وحجي الغربه تارس حياتي
الركض عمري ما شفته خويه
وركضنالك انه وخواتي

ما ظل عجيب بغيبتك
يبن امي ما سويته
وما ظل تراب بكربله
اعله الشيله ما خليته
~~~~~
شلون اعله حيلي اوگف بعد وابن امي طايح يمي
اخذوا القميص الفاطمه وخذوني وياه لأمي
من الخوف مدري من التعب بعروگي يابس دمي
عباس گوم برايتك شد راسي خويه وسمي

اريدك يتعب الليالي
اخوي وتحن اعله حالي
الدهر ماكو بي رحمه خويه
اميره وسبيه انه تالي

لشام اروح بلا هلي
والوادم يكرهوني
لا رايه الترف لا اخو
يسأل عليه شلوني

[تشيللو]

في ميزان حسناتك ..مأجورة

[✿ EshiQ ✿]

في ميزان حسناتك ..مأجورة

احسن الله لكم العزاء


شكراً لمرورك



،