هنا

[يوجين]

هسه مال هو غلطان صحيح .. بس مال تخليه بالسجن لا وخصوصا أهله ومرته حاجوك زحمه ..أخذ فلوسك كتعويض منهم وهو أعتقه لوجه الله .. الدنيا جبيره محد يعرف بشنو يوكع بوقتها تحتاج احد يسهلك امر

[اللؤلؤة البيضاء]

السلام عليكم
اريد اليحجي كون يخاف الله وعندة حظ وبخت
عندي سيارة النترا وكل شهر تطلع علية غرامة 100 الف بمحافظة بابل واني ساكن بغداد
بحياتي ما شايف بابل غير بس بالتلفزيون
رحت اشتكيت بالمرور العامة جيب الاوراق ودي الاوراق اصعد وانزل وما انحلت قضيتي
كل شهر او اكثر تجيني رسالة لقد تم تغريمك 100 بكذا تقاطع في بابل بسبب كذا مخالفة وهاي صارلي سنتين بس غرامات دافع 900 الف
رحت المرور بابل وبعد مساعدة احد الضباط طلعولي التصوير سيارة تشبه سيارتي يعني متومة
ومزور رقمها خاط نفس رقم سيارتي طلعو باقي الكامرات شافو واكف يم ابو محل .
تشكرت منهم ورحت الهذا ابو المحل سألتة كال اي هذا ابو فلان ودلاني بيتهم ورحت يم بيتهم وشفت السيارة ونفس رقمي
ماخليتة يحس بية رجعت البغداد وسويت عليه دعوة والقاضي صدر امر القاء قبض
اخذتة ورحت لقيادة شرطة بابل وطلعت وياية مفرزة وجابو هو وسيارتة وهسة نايم بالسجن
اجوني اهلة مرتة وامة وابو يتوسلون تعال اتنازل وشتريد حاضرين
اريد نصايحكم كون حظ وبخت واعتبر الموضوع صاير بيك شنو تسوي
اتنازل لوجه الله لو اخلي القانون ياخذ مجراه ويتأدب حتى يصير عبرة الغيرة
اني مو بحال الدفعتهن بس هذا السواه حلال حرام بهذلني بالمرور ومراكز الشرطة

وعليكم السلام

ليش تتنازل عن هيج نماذج؟ المفروض يتعاقبون يعني هاي السواية همزين على الغرامات، بس يسوي الكبر وتطيح براسك

[فقار الكرخي]

في حال اذا تريد تتنازل لازم هو او اهله يدفعولك كل الغرامات اللي انت دفعتهن وزيادة
هو الافضل ما تتنازل
لكن في حال انكسر خاطرك عليهم لازم يكون التنازل بمقابل
مو علمود شي انما فقط لاجل لا يتمادى بالخطأ
لأن هسه اذا شافك تنازلت وهو فلت منها بكل سهولة راح يستسهل الخطأ واحتمال يسوي شغلة اكبر
لازم يدفع ثمن ان كان تتنازل او ما تتنازل المهم انو يدفع ثمن حتى ما يستسهل الخطأ بعدين

ابوه يكول احنة مامتعمدين الخطأ
السيارة اشتريناها من واحد كردي
واتفقنا نحولها ورة اسبوع
والكردي قفل تليفونة وما نندلة
وضلت السيارة هيج

[اللؤلؤة البيضاء]

ابوه يكول احنة اشتريناها من كردي قبل 6 اشهر من الشمال
زين اذا جانت بالشمال شلون صار سنتين تجيني غرامات

بابا طلع عنده سياره ب اسمه ب السماوه وهو حتى ما واصل اله
وسيارة ب بابل ب اسمه ولهسه ما يعرف شنو السالفه

ف كلشي تشوف بالعراق العظيم

[فقار الكرخي]

انت تشوف نفسك تكدر تسامحه؟وكلبك يبرد منه؟اذا تكدر سويها لكن اذا ما تكدر ف اتفق وي روح واخذ تعهد او اي شيئ يضمن ما يكرر فعلته

الحرامي كالولة احلف كال اجاني الفرج

[أمير الأحلام]

ابوه يكول احنة مامتعمدين الخطأ
السيارة اشتريناها من واحد كردي
واتفقنا نحولها ورة اسبوع
والكردي قفل تليفونة وما نندلة
وضلت السيارة هيج

حتى ولو يخوي
حتى ولو
المخالفات جايتك بسببهم ولازم يشيلون شيلة ابنهم
حتى لو فرضا من اربيل جا غير يتأكد من السيارة من رقمها من المرور لما يشتريها؟

فقار شكلك گلبك رهيف اكثر من گلبي

[علي الاسدي**]

شتتنازل بعد ما يطلع من السجن حتى لو تنازلت لان تزوير ينحكم

[عشتار]

بابا طلع عنده سياره ب اسمه ب السماوه وهو حتى ما واصل اله
وسيارة ب بابل ب اسمه ولهسه ما يعرف شنو السالفه

ف كلشي تشوف بالعراق العظيم

اذا احد اندعم بهالسيارة وانهزم براس منو تصير

[عشتار]

حتى ولو يخوي
حتى ولو
المخالفات جايتك بسببهم ولازم يشيلون شيلة ابنهم
حتى لو فرضا من اربيل جا غير يتأكد من السيارة من رقمها من المرور لما يشتريها؟

فقار شكلك گلبك رهيف اكثر من گلبي

ما تعرف بالشعراء كلبهم رهيف

[فقار الكرخي]

هسه مال هو غلطان صحيح .. بس مال تخليه بالسجن لا وخصوصا أهله ومرته حاجوك زحمه ..أخذ فلوسك كتعويض منهم وهو أعتقه لوجه الله .. الدنيا جبيره محد يعرف بشنو يوكع بوقتها تحتاج احد يسهلك امر

وربج لو تعيشين المرارة العشتها
جان كتيلي صعدة اعدام
كاعد ابيتي وساكت تجيني رسالة
لقد تم تغريمك 100 الف دينار بسبب مخالفتك قواعد السير في محافظة بابل
واني ادفع بهالميات وارجع ليورة
ناهيك عن الدعوة بالمراكز والمحاكم ودوائر المرور