على أخت حسين ، أعمن ياعيــوني
على أخت حسين ، أعمن ياعيــوني
ابد ماتنحمل يخواني فرگتكم
چوه اخدودي الدمع وعيوني رادتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
انه مدللتكم ليش عفتــوني!
اگعدوا يخوتي ووياكم أخذوني
ترضون السياط تورم امتوني
ولتني دنيتي ومحتاجة فزعتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
انه بت علي المحد لمحلي اخيال
وتاليت الوكت متچتفة بحبـال
ضيم الشفته بالدنيا يهد اجبال
عفتوني بوكت محتاجة وگفتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
اجتني كربله واشكال راوتني
مابين الزلم مسبيه خلتني
وبطرف العبايه أيتامي لزمتني
تراني اتيسرت من بعد هيبتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
صحت عباس وينك يابو المروه
نايم عالنهر يالنومتك حلوه
عنك لليسر راح امشي بالگوه
اون واسمع وراي اتزيد ونتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
بعد عالناگة چا ياهو اليرچبني
وحچي الشمات ياعباس تعبني
واحد يطگ متني وواحد يسبني
ياخويه الصخر ناح لمصيبتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
دخلت الشام خويه ودمعتي اتلالي
وراس حسين اشوفه اعله الرمح عالي
نمت وسط الخرابه بفگدت الوالي
وطاحت دمعتي وفززت دمعتكم
،،
على أخت حسين ، أعمن ياعيــوني
على أخت حسين ، أعمن ياعيــوني
،،
الشاعر : تحسين الخفاجي
تدوينzhraa alobaidi
رد مع اقتباس
المشاركة الأصلية كتبت بواسطة أهل كايرو
