هنا

[فقار الكرخي]

السلام عليكم

يا جماعة الخير عندي فد موضوع اريد اطرحة عليكم
او بالاحرى هو فد موقف صار ويايه
وهز كياني وخلاني اكره نفسي

بأيام محرم الفاتت العشرة الاولى
تعرفون مواكب تطلع زنجيل وفعاليات حسينية حزينة
وبحكم مواكب هواي فأتفقو يومية موكب يطلع
ابو الموكب الي يريد يطلع زنجيل
يخابر على الناس ويدعوهم يجون
وياه بالموكب يضربون زنجيل

بغض النظر عن رؤيتي وتوجهي
ما عندي مشكلة اطلع وياهم واضرب زنجيل رغم عدم قناعتي

خابرني ابو الموكب كالي فقار باجر اريدك حاضر ويانة بالموكب زنجيل
كتلة حاضر وصار الوقت 5 ونص ورحتلهم
وطلعنا نضرب زنجيل والموكب مرتب


بأثناء المسير صارت فد حادثة زرفت قلبي

واني دامشي واضرب زنجيل
جانت اكو مره جبيرة بالعمر مقعدة
يعني مگرمة وكاعدة على عربانة
مال معوقين
فتت من يمها ما منتبه الها
ما احس اله و واحد لزم ايدي حيل وجرني

باوعت وجان اشوفها
جرت ايدي وحطتها على راسها وكالت
( دخيلج يالزهرة طيبيني عليج خدام ابنج )

الصراحة ما كدرت اتمالك نفسي
بجيت ومن مشيت مسافة 3 امتار
ذبيت الزنجيل وطلعت من الموكب
لا لشيئ
بس اني مو بهذا المستوى الوصفتني بي هاي المرأة العجوز
واحتقرت نفسي بسبب غشي للناس انو اني طالع اخدم بالموكب
وحقيقتي تختلف تماما عن ما شافتة هاي المرأة المريضة بتمثيلي
وضنت راح تحصل مرادها من شخص ابعد ما يكون عن الطريق الحسيني
والسبب شافتة يضرب زنجيل بنص موكب

هنا عاتبت نفسي وعاتبني ضميري
اني شلون سويت هيج
انا اكدر كلشي اسوي الا خداع الناس

من يومها قررت بعد ما اتستر بالحسين
او اصلا بعد ما ادخل شي يخص الدين واني على هذا وضعي


الله شاهد القصة حقيقية

[علي الواسطي]

بعض البشر داخلها شي وظاهرها غير شي

البعض يتخذ الدين غطاء وستر لأعماله

بس انت گلبك نظيف وطيب

مامتخذ الدين كوسيلة لخداع الناس كما يعمل البعض وانت على الفطرة اللي نشأنا وتربينا عليها



مأجور ملا فقار

[عليـﮯ]

اذا كنت تعتبر نفسك غير لائق اعتبرها اشارة وحدث نفسك من سيء الى حسن

چا بس الموبايل يتحدث؟ انت تحدث روحك وانه احدث روحي

[المستشار القانوني]

وعليكم السلام ورحمة الله وبركاته
ابو سيوفي انت فطرتك سليمة جدا ...وربك راد تحصل هذه الحادثة . لتعود لفطرتك النقية السليمة ..وتبتعد عن كل مايلوث النقاء والطهارة ...هو كل الانسان بداخله خير ...وشر...فربك يحب أن تعمل صالح دائما ليثيبك على هذا العمل ويكافئك..بالدنيا والآخرة ..هذا رأيي مع التقدير والاحترام والامتنان

[علي الواسطي]

الاعمال بالنيّات وانت هذا عملك مامعتبرة ولا متخذة وسيلة لتحقيق شيئ اخر

[فقار الكرخي]

بعض البشر داخلها شي وظاهرها غير شي

البعض يتخذ الدين غطاء وستر لأعماله

بس انت گلبك نظيف وطيب

مامتخذ الدين كوسيلة لخداع الناس كما يعمل البعض وانت على الفطرة اللي نشأنا وتربينا عليها



مأجور ملا فقار

فعلا البعض يتخذ من الدين غطاء
بس شلون متحملين

[Suzana]

اني جنت احس بيك شاره وهذه المرأة المسنه أكدتلنا هالشي من خلال ايدك المباركة..هنيئا لنا بك فقار

[فقار الكرخي]

اذا كنت تعتبر نفسك غير لائق اعتبرها اشارة وحدث نفسك من سيء الى حسن

چا بس الموبايل يتحدث؟ انت تحدث روحك وانه احدث روحي

علاوي التحديث مو شي بسيط
وتكدر بضغطة زر تصير خوش ادمي

[زينب | ١٤٢٤ هـ]

وعليكم السلام ورحمة الله وبركاته.. موقف مؤثراً وقصة تخلي الواحد يراجع نفسه بس تدري احساسك بالذنب وتأنيب الضمير هذا مو دليل على إنك مو خوش إنسان، بالعكس هذا دليل على إنو عندك ضمير صاحي وقلب نظيف المنافق الحقيقي ما يهتم لمشاعر العجوز ولا يترك الموكب جان كمل وعاش الدور
موقفك وانسحابك لأن حسيت بنقاوة براءة هالعجوز هو عين الصدق والشهامة. عسى أن تكون هالحادثة هي نقطة تحول حقيقية وتوفيق إلك بالخدمة عن وعي وإخلاص
ربي يحفظك ويوفقك لكل خير

[فقار الكرخي]

وعليكم السلام ورحمة الله وبركاته
ابو سيوفي انت فطرتك سليمة جدا ...وربك راد تحصل هذه الحادثة . لتعود لفطرتك النقية السليمة ..وتبتعد عن كل مايلوث النقاء والطهارة ...هو كل الانسان بداخله خير ...وشر...فربك يحب أن تعمل صالح دائما ليثيبك على هذا العمل ويكافئك..بالدنيا والآخرة ..هذا رأيي مع التقدير والاحترام والامتنان

الخير موجود وفعله موجود
العبرة بالنيات وما خفي عن انظار الناس