خسرتك واعوضك بيش
وداعك هزيمة ابجيش
بعدك يغالي .. من ضحكوا شماته الناس
تدري اشجرالي .. ماچن ذاك انه العباس
*****************************
هذا الجيش كله التارس الصحره
من العباس عمك مايهزّ شعره
من گالوا طحت شاف العدو الثغره
وعمك ياعلي بينت بي كسره
اقانل وافكر بيك
وارسمك واظلّ ابچيك
من كل جهاتك ،، لو طعنة رمح لو سيف
نازف حلاتك ،، مو دم نازف انتَ احساس
*****************************
هم الماي هين والصعب همك
مو يمك چنت بس الفكر يمك
گالوا ذابحينك ياگلب عمك
ويم المشرعة واصل عطر دمك
افكر بخوية حسين
فؤاده انقسم نصين
گطعوا وريدك ،، بي ريحة رسول الله
والكسروا ايدك ،، من كسر الضلع هالساس
*****************************
وشگالوا تعال احچيلك اسمعني
عن مشهد جرحني وراد يذبحني
حسين ابعنفوانه امدنگ ومحني
تخوصر يمك وصاح الولد يبني
ابوك اعله طولك طاح
الحگوا لعليكم صاح
عينوا ابوكم ،، عمره اعله الرمل مذبوح
شيلوا اخوكم ،، اشبهكم بخير الناس
*****************************
حال الوالد اليركض على وليده
وشافك ماي متبدي ابحضن بيده
المثلك ياعلي الوادم تبوس ايده
مو طعنات جسمه بگد مواليده
يماي ومتت عطشان
وراك النهر ينهان
اوضع لسانك ،، فوگ لساني لمن گال
يدري بزمانك ،، لو يعطش يموت الياس
*****************************
من جابوك لامك منهشم صدرك
تريد اتبوس ثغرك ما لگت ثغرك
شالت دم بديها وخاطبت شعرك
ومن فتحة سهامك قبلت نحرك
تخطت حنين النوگ
تشوفك وردّ مسحوگ
ليش اعله عينك ،، من الدوّس اثر موجود
يامن جبينك ،، نعمة الله إنتَ ماتنداس
*****************************
عمرك چان جيله وجيلي متوالم
واحلى اثنين چنه احنه ابني هاشم
فوگ الخيل هيبة و قادة ونهاجم
ويـم حسين نوگف خادم وخادم
امام الجيوش كبــار
امام الحسين زغــار
حق الإمامه ،، يفرض طاعة المعصوم
نعرف مقامه ،، واجب جف اديه تنباس
*****************************
ذوله الناس يارب اليعبدونه ?
النسخة الثانية من النبي يذبحونه
لو بالطف محمد هم يكتولنه
وراسه من الجسد لازم يفصلونه
طبعهم ارث ملعون
عداوة وحقد مدفون
عدهم وراثه ،، جينات الكفر بالله
ولد الخباثه ،، طاحوا واحنه تاج الراس
*****************************
يعمي الذابحك مجنون لوعاقل
ماظن شاف بعده احرورة الكافل
من السمه السابع واسحب القاتل
واخذ روحه بيده وانه ابو فاضل
اجيبه اليريد ايطير
اذا بالسماء يصير
قبل الاشارة ،، راسه وجسمه ينگطعون
طعم المرارة ،، ذباحك اجرعه الكاس
*****************************
كلمات الشاعر الذهب : احمد الذهبي
تدوين : zhra alobaidi
MP3
رد مع اقتباس
المشاركة الأصلية كتبت بواسطة علي الواسطي
