ـــــــــــــــــــــــــ ـــــــــــــــــــــــــ ـــ
القصيدة: آخر مُحامي
أداء:محمّدبَاقِر الخَاقانيّ
كلمات:عبّاس الشِبلاوي
ـــــــــــــــــــــــــ ـــــــــــــــــــــــــ ـــ
ويلاهُ واويلاهُ واويلاه علىٰ السجّاد
ـــــــــــــــــــــــــ ـــــــــــــــــــــــــ ـــ
آخر ضِوه تبدّه الظُهر ومُصابه طيّحني
بيدي إرفعت طرف الخِيم والحيره لاگتني
شفت الخيول العُبرته لَلخيمة گصدتني
درت العيون لعمّتي وها عمّة صاحتني

گلتلها عمّه بحسرتي.. فِريّ بعيالچ بالفَلا
آخر مُحامي لخيمتچ .. يا عمّة طاح بكربلا
وخيل الغُرب صوب الخِيم والنار إجت للعايله

فوگ التُرب چَف الغُرب عمّه چِفه الدَلال
فَيّچن وگع يالمّا طلع صوت إلچن وخيال
ويلاهُ واويلاهُ واويلاه علىٰ السجّاد
ـــــــــــــــــــــــــ ـــــــــــــــــــــــــ ـــ
حَل الحِسبناه ما يِحل ب اهل الشِيم عمّه
فوگ التراب بكربلا مَذبوحة چم بسمة
وإشتد عُطشنا وجُود امس ما وُصل لخِيّمَّه
وچم طِفل ناطَر جيّته حد ما نِشف حِلمه

شِدّة عِليل بكربلا .. وعيونه لعياله تصدّ
يتحسّر وما عِنده حل .. بخِيامه عطشان الورد
لا بي يضل يَم الخِدر ولا بي على الحُومة يِهد

حسرة بكُبر هـٰذا الخِدر مدفونة بالعَليل
گدّامه اهل تبچي إعله حَل وبگلبه ماكو حيل
ويلاهُ واويلاهُ واويلاه علىٰ السجّاد
ـــــــــــــــــــــــــ ـــــــــــــــــــــــــ ـــ
حسرة بظُهر عاشر عشت موتي تمنّيته
مو هَيّنة عالزِلمه الشَهم گدّامه أهل بيته
تگوم وتطيح مِن التعب وعِدوانه واليته !
يفزّعونه رايد لَلخِدر وتگعّده عافيته

بعُمر الكسر مو بالگلب .. طَلعَت ذِخرنا مِن الخِيم
تتلفّت تدوّر وِلي .. بس مالگت لخِيمّها عَم
مهضومه دارت للنهر صاحت يكفّال الشِيم !!

حيّهم يـ أهل هاشِم وصل چَف العِده الخِيام
والنوگ إجت يَـ أهل البَخت صاحت عِدانا شام
ويلاهُ واويلاهُ واويلاه علىٰ السجّاد
ـــــــــــــــــــــــــ ـــــــــــــــــــــــــ ـــ
بالطف مشت بينا الهِزل يا مَشيَة الگوّة
لا هـٰذا گدر أهل الشِيم والوانه مو هوَ
كل خطوة نعثر بالدَرب يا شدّة الخطوة
واحدنا مِن گد العُطش وجروحه يتلوّه

وچان الأشد مِن العُطش .. مشيتنا هاي ويّ الغُرب
ب راي العَدو يمشي الظَعن .. حَد ما خُلص ذاكَ الدرب
ما ضَل گلب يِحمل بعد للشام إجينا بِلا گلب

ما ضَل صبر يِحمل كسر لا ضَل علينه حال
دار الزَمن بأهل الظعن وتغرّب الدَلال
ويلاهُ واويلاهُ واويلاه علىٰ السجّاد
ـــــــــــــــــــــــــ ـــــــــــــــــــــــــ ـــ