هنا

[✿ EshiQ ✿]

ـــــــــــــــــــــــــ ـــــــــــــــــــــــــ ـــ
القصيدة: العَطش آه العَطش-لا يا ماي-
أداء:محمّدبَاقِر الخَاقانيّ
كلمات:حيدر الغيّاض
ـــــــــــــــــــــــــ ـــــــــــــــــــــــــ ـــ
العَطش آه العَطش
ـــــــــــــــــــــــــ ـــــــــــــــــــــــــ
بگاعنه تجري و تشرّب غيرنا
و مِن تِشح السِمه تشربك خيرنا

لا يا ماي.. لا يا ماي
باچر لا تِفز عَالمشرعة و تسگي الغُصن
لا يا ماي.. لا يا ماي
يخضّر سهم مِنّه و گُمر بي ينطعن
لا يا ماي .. ها يا ماي

يا ماي عُوف الغيم خَضّر بالعين
نغفه و يِعت بينا العُطش مدري لوين
جَف الدمع و نريد نبچي إعله حسين

العَطش آه العَطش
ـــــــــــــــــــــــــ ـــــــــــــــــــــــــ
انتَ سالفتك قديمة ويانا
مِن قَضيّة بابنا و نيرانه

ما مرّيت.. خاف إنسيت
تِذكر مِن بطيت و ما إجيت تِطفّي إلي
ذاكَ البيت.. خاف إنسيت
و إنطينا بوكتها اُمّي و فَگد ثالث علي
خاف إنسيت.. خاف إنسيت

يا ماي باچر عَاشر و انتَ المسؤول
لو طِفل مِن العُطش صَبّح مكتول
للضامي لو عَاتبك باچر شتگول؟

العَطش آه العَطش
ـــــــــــــــــــــــــ ـــــــــــــــــــــــــ
تِربي ليفوگ بمَحنّة عيونهم
رُمح عالي و ما تلوح چفوفهم

ها يا ماي .. شلون بهاي !!
تعطّشنا و تغسّلنا شِيوالمهن سِوه
هاي و هاي؟ .. هاي يا ماي
ودّينا إلك جِربة بمَتن راعي اللِوا
وغَاب هواي.. ها يا ماي

لو جَاينا بجُرفك نگص روّيناك
بدموعنا تِجف و تضل ما عفناك
بس رِدّه لخيامه الگُمر لو مرّاك

العَطش آه العَطش
ـــــــــــــــــــــــــ ـــــــــــــــــــــــــ
كلشي حيّ مِنّك تگول الآية
و مِن اهلنا موّتيت هوايه !

ها يا ماي .. شيگضي إضماي
تعطّش اليجيك و تِروي ناس العَابره
تِهضم هاي.. ها يا ماي
بتأخيرك رَضيع حسين سَلّم منحره
ما ضَل راي.. ها يا ماي

مِن اليوم ما إلك قيمة ما إلك كل لُون
يَـ الغيّريت بكربلا لون اُم عون
عـ إلي يريدونك تِشح هاي شلون

العَطش آه العَطش
ـــــــــــــــــــــــــ ـــــــــــــــــــــــــ

[‌بكاء القمر]

مشكوووووورة تسلمي