هنا

[✿ EshiQ ✿]

ـــــــــــــــــــــــــ ـــــــــــــــــــــــــ ـــ
القصيدة: آه يشيّال العَلم
أداء:محمّدبَاقِر الخَاقانيّ
كلمات:أنور الموسوي
ـــــــــــــــــــــــــ ـــــــــــــــــــــــــ ـــ
آه يشيّال العَلم ... آه يشيّال العَلم
ـــــــــــــــــــــــــ ـــــــــــــــــــــــــ
تبچي عَليك إسكينة .. آه يشيّال العَلم
و تگول عمّي وينه .. آه يشيّال العَلم
ما تدري صَابوا عينه .. آه يشيّال العَلم
و الجربة بدّوها ب سَهم .. آه يشيّال العَلم

طحت يا گِفاي .. بيش أشد حيلي .. يَظهري و يَـ حيلي
يَريتك تشوف .. حَنية متوني .. يَنبضة دِليلي

يَخوية مدلّلاتك
جَف دَمعهن.. كِثر ما جِرن مَدمع .. خُوية
يَبو فاضل خَواتك
مِن هَضمهن.. رِوينا يگولن إرجع .. خُوية

عبّاس .. ثگّلت الحِمل
عبّاس .. وگّفني عَدل .. يا عُضيدي
ما اروح .. إلّا ب يِمنتك
ما اروح .. و أنظر خيمتك .. يا عُضيدي

آه يشيّال العَلم ... آه يشيّال العَلم
ـــــــــــــــــــــــــ ـــــــــــــــــــــــــ
ها يَـ ردّاد العيلة .. آه يشيّال العَلم
يَـ حزام إخوك و حيله .. آه يشيّال العَلم
گوم اُوگف و تچّيله .. آه يشيّال العَلم
فُوگاك كل حيله إنهدم .. آه يشيّال العَلم

مِن إجينا للطفوف.. غُصّة أخفيها.. و أسارع نَفيها
اصدّلك و اگول.. لا تجي السَاعة.. اليفارگني بيها

احبّك يا ابو فاضل
و انتَ تدري.. عَزيز شگد عليّه .. خُوية
صدگ تالي يَكافل
تِحني ظَهري.. و يُصب دَمّك بأديَّه .. خُوية

عبّاس .. گوم لغُربتي
عبّاس .. و سكّت شَامتي .. مالي غيرك
ياصوب .. الطايحله گُمر
يا صوب .. يِنطيه النظر .. مالي غيرك

آه يشيّال العَلم ... آه يشيّال العَلم
ـــــــــــــــــــــــــ ـــــــــــــــــــــــــ
يا سيفي خُويه و لامتي .. آه يشيّال العَلم
يا عَسكري و يا رَايّتي ..آه يشيّال العَلم
يمّك أحِل عِمامتي ..آه يشيّال العَلم
و عَامودي اطيّحه مِن الخِيم ..آه يشيّال العَلم

يَذخري الوَحيد.. لكربله إختارك.. علي لشِدّتي هايّه
إذا عفت إخوك.. ما يِضل واحد.. يكض لَيّه راية

يَـ سر خِدري و كفيله
وبوگفتك.. چنت مِرتاح بالي .. خُوية
بعد ما عِندي حيله
وويّ جربتك.. هِوى مخيّم عيالي.. خُوية

عبّاس.. مِنّك لو رحت
عبّاس .. امشي و ألتفت.. كِلّي حيرة
يندار.. كل الطَف عليّ
و أحتار .. لـ ياهِي تِحامي اديّ.. كِلّي حيرة

آه يشيّال العَلم ... آه يشيّال العَلم
ـــــــــــــــــــــــــ ـــــــــــــــــــــــــ
عبّاس يا ضيّ عيني .. آه يشيّال العَلم
وين الخِيم دَلّيني.. آه يشيّال العَلم
اطفالنا تتانيني.. آه يشيّال العَلم
و يَردوك يا عبّاس عَم ..آه يشيّال العَلم

شَ أضم كسرة هاي.. بالظَهر صارت..و تِصدّلي شِماته
أرد للخِيام.. ش أحچي لعيالك.. يَكافل خَواته

دَمع فرگتنا جَاري
بيش امسحه.. إذا تتراجف إيدي.. خُوية
ضعت آنا و قَراري
شلون اروحن.. و اعُوفك يا عَضيدي.. خُوية
-يگلّه حسين خلّيني بمچاني
يگله ليش يا زهرة زِماني
يگلّه واعدت سِكنة ترا آني-

زينب .. مِن طلعت خِفت
زينب ... لخاطرها إرجعت .. للمُخيّم
النسوان.. تبچي لغُربتي
النسوان .. شَافن شيبتي .. بيها إلك دَم
ـــــــــــــــــــــــــ ـــــــــــــــــــــــــ

[‌بكاء القمر]

تسلمي