ـــــــــــــــــــــــــ ـــــــــــــــــــــــــ ـــ
القصيدة: أنصار خِدري
أداء:محمّدبَاقِر الخَاقانيّ
كلمات:عبّاس الشِبلاوي
ـــــــــــــــــــــــــ ـــــــــــــــــــــــــ ـــ
يا صُحبتي و انصار خِدري
مايل غِده مِن الضيم ظَهري
عطشان گلبي و خُلص صَبري
واگف تره إعله جدامي حيلة
إن چانكم نيَّام إگعدوا
و ليش إنحنه مگفاي إنشدوا
و للخِيم گوموا وِياي رِدّوا
ظهري يريد اليتچّيله
مالي احد و لِيكم عيُوني
مِن دُونكم يستوحدوني
يا رَايتي و گُوتي و تَوني
عَالت تره إعله حسين عيلة
مالي بجِفاكم حيل مالي
و اهل الخِيم تبچي إعله حالي
وَحّدي بهيمة و ظَهري خالي
و صرت الجِدم ما بيّه اشيله
إنطوه راي حسين حَاير
يمكم وُگف مكسور خَاطر
الگلتوله تِفداك المناحِر
هالوَاگف يريد اليجيله
-مالي اُناديكم فَلا تُجيبون؟-
باله بجِفاكم و النظر شَت
عِفتوه بالهيمة يتلفّت
جيش العِدا بحاله تِشمّت
و هاي إعله غيرتكم ثجيلة
جيش العِده تحضَّر بناره
ساعة و يِهد عالخِيم غارة
المّا طُلعن يطلعن حَيارى
و بالطف تِشت لحسين عيلة
وحدة إعله وحدة تِذبهن الخيل
لا والي لِيهن لا إلهن حيل
مِن الهَضم وِحدتهن تميل
و الدمع عالوجنة تسيله
ـــــــــــــــــــــــــ ـــــــــــــــــــــــــ
رد مع اقتباس
