هنا

[✿ EshiQ ✿]

ـــــــــــــــــــــــــ ـــــــــــــــــــــــــ ـــ
القصيدة: گُوم يَـ التطلب رِضاي
أداء:محمّدبَاقِر الخَاقانيّ
كلمات:أحمد الهلباوي
ـــــــــــــــــــــــــ ـــــــــــــــــــــــــ ــ
گوم يَـ التطلب رضاي.. گوم يالهمّك رِضاي
ـــــــــــــــــــــــــ ـــــــــــــــــــــــــ ـــ
جيتك من خِيامي فازع.. يا ابو فاضل
امشي وأتلفّت يَخوية
و شِفت ظَعنك هَج وراي.. گوم يالهمّك رِضاي
گوم مِشتاگ لفزعتك
گُوم يا شريان اخوك.. و هيبة إختك
عنّت عيونك عليَّ
و ذاك طُولك.. خوية عبّاس ووگفتك
گوم جاوبني أرد أنشدك
اليفگد اُولاده يِشد حيله بـ أخوه
الراح إخوه بيمن يشدّه !
عُمره مو بس حيله عالگاع يِتبدّه
ارد انشدك علىٰ الحيرة
الگبل ما مرت عليّه هيَّ هاي .. گوم يالهمّك رِضاي
عوف جُودك يَبو چفوف مگطّعات
گوم لا خَلف الله خُوية إعله الفُرات
گوم نرجع للخِيم چتف بچتف
عفت سِكنة تصيح عمّي
بويه بس رجّعلي عمّي
بطّلت ما اريد مَاي .. گوم يالهمّك رِضاي
إجدامي ثِگلن يا ابو فاضل
و ثِگل حِملي
و كلشي بالكون إنكسرلي
العنده و المّا عِنده رُوح هِنا بچالي
تِرضه اردّن للخيام و هـٰذا حالي؟
گوم خَل أعدِل گفاي.. گوم يالهمّك رِضاي
گوم خَل اعدِل مَشيتي
گوم خل تِفتّش عيوني و اشوف
شِنهي مِن جِسمك المّه و شِنهي اعوف
جِيتك و ما ادري أنطي وجهي وين
و الوكت دار بعَضيدك يَبو الغيرة وين اروح؟
إن چان ما تنطيني إيدك
يعبّاس إنطيني راي.. گوم يالهمّك رِضاي
گوم خَل ارجع حسين.. الشَاب ذاك
البيك كاشخ علىٰ الدِنيا بكربله
گوم خَل نرجع لأختنا
نگلها لا زِلتي عَقيلة مدلّلة
گوم خل تسكت سَكينة مِن النَحيب
و تِردّ تتنفّس رُقيّة و جَرح عمّتهن يِطيب
گوم خُوية قبل لا يتبدّل إسمي مِن حُسين للغَريب !
گوم خَل عبد الله يرجع يِبتسم
و يرجع يناغي سَكينة
لَون يِسمع عمّه جاي .. گوم يالهمّك رِضاي
ـــــــــــــــــــــــــ ـــــــــــــــــــــــــ ـــ

[‌بكاء القمر]

مشكوووووورة

[مـِـــيرآل]

في ميزان حسناتِك غاليتي