المشاركة الأصلية كتبت بواسطة فقار الكرخي
السلام عليكم دررنا الغالين .
اليوم احجيلكم عن موقف صار بية
وسببلي احراج وانشريت عالحبل
البارحة اجتنا خالتي خطار
وهاي شكوكية الى ابعد الحدود
اطب واطلع تشخص بية
ها خالة شبيج
لا خالة سلامتك الله يحفظك
المهم كاعدة تسولف وية الحجية
واحسهن يحجن علية
كلما اباوع عليهن الكاهن يباوعن علية
لك هاي شلون ورطة مال الله
المهم عندي شغلة واريد اطلع اكملها
اني من اريد اطلع اشغل برنامج الويز
حتى احدد المكان الاريد اروحلة
واشوف يا طريق عالخارطة مابي ازدحام
واروح امشي بي
فتحت ويز وحددت المكان
جان تطلع هاي البنية
التحجي بويز التكلك اخذ يمين وروح يسار
كالت هيا بنا لننطلق
جان تگمز خالتي
ها شفتي
اباوع عليهن صوفرن
غلست وكمت اريد اطلع جان تنط هاي بويز
انعطف يمينا
امي تكلي عيني اليمنة منا مو منا
استغفر الله يمعودة شبيج
روحلها تنتظرك تكلي
يم الباب وجان تحجي ام ويز
وقت الوصول بعد 14 دقيقة
نبزت خالتي روح خالة بعد ربع ساعة خاف ماتلحك
عفتهن وطلعت رجعت ورة ساعتين
ويشخصن بية وهم يتبسبسن وصرت بموضع شك
وهاي خالتي فضيحة مال الله
باجر اصير علج بحلوك الناس بالعباس ابو فاضل
والحجية متنگة علية
تجيك التهايم وانت نايم
برنامج الويز اليوم سوالي مشكلة شكبرها
رد مع اقتباس
