الشاعر جابر الكاظمي
عيني اعله دربك *شابحه*
*شابحه* اولا شافت أثر
منك يمن وجهك گمر
صرت احسب اليوم ابشهر
ليك البيابي *املولحه*
*لولحت* عيني لجيّتك
أنحب ودگ لفرگتك
ما حصّلت من عشرتك
غير *النحب* والنايحه
*أنحب* على افراگك وادگ
واشحصّلت من هالعشگ
الناس تاكل بالعثگ
وآنه *اركض على الطايحه*
*أركض على الطاحت* و اجد
تالي صفر إيدي ترد
بيدي زرعتك يا ورد
ولغيري تنطي الرايحة
*ريحتك* فاحت للملا
وتحرمني يا ريم الفلا
شخصك عليّه اشبدّله
ما مش صديج *الينصحه*
محّد *ينصحك* يا بدر
وتغيّب نجوم الهجر
سكران بهواك الفكر
ما يوم يمدلّل *صحه*
ما *صحه* فكري بغيبتك
چا هذي تالي مروّتك
أنطيك چف امحبّتك
وانته لعدوّي *اتصافحه*
*اتصافح* عدوي بلا خجل
واتقّطع حبال الامل
تدري بحبيبك لو زعل
كل البشر *مَتصالحه*
ما *اصالح* الماله بخت
مغرور طار ويه الرخت
كل الضعاين نوخت
وضعون شوقي *مطوحة*
*طوحت* بضعوني واسف
وبيك المثل صح يا ترف
الديچ الذي ماله عرف
ما تنسمع له *صايحه*
*صيحتك* ما منها رجه
فضحتني للراح واجه
سري اِلعدوي تورجه
وتريد مني *مسامحه*
*سامحتك* وقلبي انشعب
ما فاد وياك التعب
هذا المثل بيك انضرب
من *بد وفه* ولا تمالحه
*بد وفه* وما تحكم عدل
كل سا تفك جرحي وتشل
ناس الذي تحب وتمل
اقرا عليها الفاتحه
رد مع اقتباس
المشاركة الأصلية كتبت بواسطة September
