هنا

[فقار الكرخي]

من اتضيع
بوجوه الغريبة تموت
ترجع منكسر والغربة بعيونك
تكسر كاسة اسنينك من تلگه الحزن ينباع
من تلگه الامس ما جاب من عمرك
تبدي تضيع
واتغني
من يا دنيا جاي اليا عمر يا ناس
ترجع ما الك بالناس
الك بس حزنك وراسك..!
وعيونك بعدها تريد ترسملك عمر وتصوغ من الطين الك فنجان
تمشي الدنيا بيك الاخر الميتين
وتحارب ظنونك من ترد لليل
وتمر الصور بترابها وحزنك ايلمها وتحسب من الضاع من عمرك
تقره تحب شكو بالناس
من يقراك..؟
وين تحط غريب تموت
انت الحزنك امرايه
واتعيش العمر مُرّه
وتغسل روحك بماي الدمع مرّه
وتغازل جروحك والعمر نجمه بسمه ظنونك
بكل شباچ الك شمعة
واصابع ترسم الدنيا مثل متريد
مدري المن تشب النار
مدري المن اتحب اتعيش
ما ترتاح
وين تروح
تابوتك غريب يطوف
تسمع كل بچي بالبيبان
وادگ عله كل البوب
خوفك يكبر وتكبر وترجع للطفوله انسان
تطلع للعمر بثيابك وحزنك يصعد للمطر والدنيا بعيونك طفل يلعب
تسبح بالتراب وترجع ظنونك مثل متحب
بيك احلامك اتغرّب
ترد تحسب
ترد تكتب
بس انت الك واتضيع
من اتضيع
بوجوه الغربية تموت..!








احمد فشلان

[‌بكاء القمر]

مشكوووووور تسلم

[‌بكاء القمر]

[فقار الكرخي]

نورت يالحبيب