هنا

[الغربيل]

من الرمادي(الدكتور عبدالسلام العاني)

العفص (التانين) هو مادة نباتية قابضة تستخرج غالباً من ثمار شجرة البلوط. يُعرف بفوائده في شد الأنسجة، علاج الالتهابات، تسريع التئام الجروح، تحسين صحة الفم واللثة، والعناية بالشعر وفروة الرأس. كما يُستخدم موضعياً لتقليل ترهلات الجلد.
واني رايح لمحل والدي وراجع لبيتنابالقطانة
لازم امر بحديقة حسن مسطور وكانت تثير بي الفضول شجره عملاقه عبالي جوز مدعبل او نومي بصرة واني بعدني شوي أبين من الكاع مره شمرت حصو وكعت وحده اشو هاي قوية حيل لا جوز ولا ابن عمها
اكبرت وكبرت علي علتي وانابطريقي لمدرسة العزه امر بحديقة عريقه وهم أشوف الشجرة واني آكل شيش الكباب من ال مريشد الكرام
كبرت وكبرت وكبرت الاه والونه وانااحضر للماجستير واذا هذا الذي يسمى (عفص )يعتبر من بين صادرات العراق المهمة لبريطانيا غير النفطية بالعهد الملكي واذا له استخدامات طبية اشهرها ان ارقى معاجين الإنسان الإنكليزية تعتمد على استيرادتها من العفص العراقي عمود معاجين الأسنان
وبداعي التطور والعمران لم يبقى للمكرود ابن الرمادي لا غابات ولا (حديقة حسن مسطور) ولا عريقة ولااخواتهماالسبعة بالمدينة
مره اني بصور بلبنان دازور كنيسة قديمة واذا محاطة كلهابالاف أشجار العفص
وضعت راسي بين راحت يدي وبكيت جائت سيدة نصرانية تلقي بقداسها امام صورة كبيرة لسيدتنا مريم العذراء
شنو زعلك اخي
قلت لها قصة امنا مريم وكيف صبرت؟ وكيف اصبر ؟
قبل يومين
طك بعقلي استرجع الماضي وأشتري من مشاتل سدة البعلوان شجرة. عفص كبيرة واذا يقول لي ابو المشتل تريدهاسوريه ايرانيه عراقيه
كتله عراقية بلا تردد
وهناالمفاجئة
حجي الكبيره حيل ب 100واصغرها 25شكرته
ماعنده من يجيب يااهل الله
اختم نص حجايتي اني اصلي الفجر وأركب سيارتي وأطبك نوبات بالحديقة يم جسر الجزيرة
أقيم صلاة اخرى حوار مع الفرات ابث له هموم الرمادي
كان الهواء عليل واسمع حفيف الأشجار المزروعه من البلدية مؤخرا
واذا شجرة عفص ليست كبيرة قاتله بخضارها
ومثل مجنون هرولت نحوهابقيت لشروق الشمس
اسألها منو خرب ولايتي الرمادي
واوراقهاترتطم ببعض تسبح للخالق العظيم
واذا هاجس ياتيني واناارجع للبيت يقول لي
الحرامي الي ماتلزمة كم راشدي تضربه
#غضيب92
وسلامتكم درر&درات
11/7/2026

[‌بكاء القمر]

شكراً لحضرتك