القصيدة :وينك يا علي
الشاعر :حسين مردان البديري
التوقيت :ليلة 28 محرم 1448 هـ
المكان :حسينية صاحب الزمان عج النجف الأشرف
وينَك يا علِي يا علِي يا علِي
راحو كِل هَلي كِل هَلي كِل هَلي
ما ظَل واحِد ما بي جَرِح
لـو مِتيَسِّر لـو عالرُّمِح
*******************
مُصيبَه عَجيبَه
اوْ رِسالَه مِن ضعَن ما أدرِي وينَه
أگِلَّك وأعِدلَك
زِلِـم خِلْصَت ذَبِح واِحنَه انسِبينَه
الأميره الچبيره
تره فوگ الهِزِل مو بِـالمَدينَه
مَتِحضَر يحيدَر
العطَش والحيره والوادم عَلينَه
وحدِي للأسف للأسف للأسف
عيني للنَجف للنَجف للنَجف
أحچيلَك ما بَعْدِ الذَّبِح
لـو مِتيَسِّر لـو عالرُّمِح
*******************
مُصايِب الأطايِب
أعِدِّدهن إلَك كِلمَن مُصابَه
عِمايم اْلهُواشِم
اوْگعَن من روسْهُم فوگِ الترابَه
لْجِرَحنِي لْهُظمنِي
الحَسن بالقاسِم اِنسِلبَت ثيابَه
وأزِيدَك حَفيدَك
علي الأكبَر غِرگ بالدَّم شَبابَه
مِنّك چم گلُب چم گلُب چم گلُب
طايِح عالتُرب عالتُرب عالتُرب
عَن أهلَك ياذِيك الشَّرِح
لـو مِتيَسِّر لـو عالرُّمِح
*******************
يبُويه أخوُيه
العِفِتني عِنده من بعدَك أمانَه
لْكِفَلني تِرَكنِي
وكَفيلَه للضَّعَن صرْت ابمكانَه
بْمِنيتَه لگيتَه
بَلا چفّينَه بس حاضِن لوانَه
تِعَذَّر يحيدَر
صحِت لا تِعتِذر عاذِرتَك آنه
أطفِي بالخِيَم بالخِيَم بالخِيَم
واَجمَع بالحَرَم بالحَرَم بالحَرَم
ما واحد مِـنْ أهلِي يصِح
لـو مِتيَسِّر لـو عالرُّمِح
*******************
بْدَمعْـتِي بْعَبرْتـِي
أسولِفلك على احسِين اشجِرالَه
يَجَرحَه عْله رُمحَه
نِزَف من ضربَوْ اگباله عِيالَه
نُظَرتَه عُرفتَه
يِعايِن ولبَناتَه انْشِغَل باله
بْدربهِن بْتعَبهِن
يظَللهِن مِنِ الحَرّ ابْـخَياله
راسَه بالضَّعَن بالضَّعَن بالضَّعَن
يبچي لو بِچَن لو بِچَن لو بِچَن
واليطلَع من وجْهَا الصبِح
لـو مِتيَسِّر لـو عالرُّمِح
*******************
أنُظْـره عْله نَحره
أخوي احسِين يبچي دموع حمره
يِحَذِّر يِخَبِّر
إذا طِفلَه اوْگعَت عالگاع مرّه
يِصِدلِي يِگلّي
إلحْگيها اوْ بعَد ما يمشِي نحره
حمايه ورايه
يِگلّي اتطَمّني اعليهُم يحُرَّه
شِفته كِل وَقِت كِل وَقِت كِل وَقِت
إلْـنَـه يلتِفِت يلتِفِت يلتِفِت
والما يِرضَه صبرِي يِشِح
لـو مِتيَسِّر لـو عالرُّمِح
*******************
أساره حَياره
على الناگه غَريبه ابْسِد غَريبَه
الشَّهاده سعادَه
لچن صعبَه السَّبي وهاي العجيبَه
أقهرَك واخبرَك
الحبيبه يا علي صارت سليبه
رُقيَّه بْرِزيَّه
اوْ تِصيح امنِين ابو فاضِل أجيبه
صاحَت بِالدمِع بِالدمِع بِالدمِع
تقبَل أندفِع أندفِع أندفِع
وِالگَـلّي ادموعِچ تِنمِسِح
لـو مِتيَسِّر لـو عالرُّمِح
*******************
سؤالي بْخَيالي
إذا لا سامَح الله صَبرِي يتعَب
شسوّي؟ وعدوّي
أعرفه يفرَح ابدمعِي إذا صَب
وأعرفَك يَـچَفَّك
يِـرِد الشَّمِس بويه لَوَن يرغَب
أنطْـرَه واَخِبْـرَه
يجي الليله يِرَجِّـع دَمِع زينَب
شامِت ينتِظُر ينتِظُر ينتِظُر
أبچي ويبتِشُر يبتِشُر يبتِشُر
والّي بْهالموقِف ينجِرِح
لـو مِتيَسِّر لـو عالرُّمِح
رد مع اقتباس
المشاركة الأصلية كتبت بواسطة KASSAR
