القصيدة:يزاير اعقد نيتك
الشاعر:منير الجماسي
الوقت:ليلة 1 صفر 1448 هـ
المكان:حسينية صاحب الزمان عج النجف الأشرف
يا زاير اعگِد نِيتَك
وإعلِنها يله ثَورِتَك
*********************
يالغالي حل سادس فرض
اعگِدها نيتك وانتفض
وبيا علي اطوي الأرض
كعبة عشگنه وجهتك
*********************
ابدي المسير الملحمي
وگِلها يروحي اتقدمي
المشاية هيه عالمي
اتواسي العقيله غايتك
*********************
أمشي الحبيبك ووصَله
درب العشگ ما أجمله
تلگه الهله تسبگ هله
متلهفه كلها الجَيِتك
*********************
يحسين تستاهل تَعَب
بمحبتك شفنه العَجَب
منريد مال أولا ذَهَب
المهم عدنه حضرتك
*********************
امشي بعزم شد الهمم
چَن قائد وشايل علم
كل خطوة للحاقد سهم
موت النواصب خطوتك
*********************
من هالدرب بالك تمل
شما يبتعد يصبح سهل
بس نادي يا أبا الفضل
وبكربله اترف رايتك
*********************
درب الجنان ابهالدرب
بتراب درب الحب تطب
وحسين للدنيه قطب
سر النجاة أبرحلتك
*********************
خَلك حُسيني زَينبي
واهتف ليحيا مذهبي
وإلعن شرور الناصبي
وإلعن يزيد بلعنتك
رد مع اقتباس
المشاركة الأصلية كتبت بواسطة سُـــرى
