ابوذيات عراقيه حسين الساعدي الجزء الثالث
الجزء الثالث ابوذيات الشاعر حسين الساعدي
العليل ابعلة الصَد ما عِداني
واليعد الخيانه ما عَداني
إذا خانوك ربعك ما عدى اني
إذاً بيهم خَلل لتذبه بيه
------------
حسين الساعدي
الزمن هيهات يلوي ساعدي أنه
ونساعد دوم كلمن ساعدانه
يل تسئل عله أصلي ساعدي أنه
أهل نخوه وكرم وأهل الحميه
-------------
انته المن زغر سنك وهَم بيك
عفتني وجنت احبنك وَهم بيك
هَم بيك العتب والشك إوهَم بيك
الزعل طول السنه عندك عليه
---------------
اشما عنك حبيبك فوك عَله
هَم يوكع تطيحه ابيوم عِله
اعذره لو نسه الميعاد عَله
اجاك وما لكه منك بَقيه
--------------
ابنادم مَعدنه ايبين بطينه
ويامه اجبود بس الكم بَطينه
ولا مره على الموعد بُطينه
أجيكم كبل جيتكم عَليه
----------
الزمن لازمني لزمه ما هداني
وجنت متعافي للشر ماهد اني
لولا الهادي الله ما هداني
ابنادم مثلي بالدنيه ضَحيه
----------
الله البينه يعلم ما نعاني
ردت اضحك زماني ما نعاني
تسأل عالمدينه ماني عاني
بغدادي الولاده بالهويه
----------
وأحب كل العراق اني وناسه
ونسة روحي سميته وناسه
وعلى ظيم اليمرله احزن وانه أسه
أتأسه ابعراقي البيه حميه
-------------
يعت بيه الكلب عَته وَعته
لأني ابدرب محبوبه وَاعَته
أدرسنه ابدرس هجره وعدته
يفز بالليل يصرخ جيبه اليه
--------
فَصلتك عَلي ماجيت كَدري
وَاشوفك ما تقدر يوم كَدري
امكَدرني اوتكول اشسبب كَدري
ولا جنك جبت كل الأذيه
الشاعر حسين الساعدي
منقوول
رد مع اقتباس
المشاركة الأصلية كتبت بواسطة علي الازيرجاوي
