هنا

[ارجع يازمان]

ابوذيات ساعديه///
/
بيت الما يريدك/ لا تعَتبه
والرايد يعوفك / لا تعت به
ما ينفع عتابك / لا تعاتبه
العتب ما ينفع باأهل الرديه!

------------

ليليه القهر روحي/ يطبهه
وشامت كالي طوب ال/ يطبهه
دك بطبلته اكبالي / يطبهه
ولم كل شامت وحاقد عليه!

---------

تطشر علي وارجع / بَصفك
وبكعداتي أحب اكعد /بصفك
ياريت أدرس ودرسي / بصفك
حتى الواجب/ انحله سويه

----------
يل مابيك توصل / مستوانه
من نيران غَدرك مستوي أنه
وابد ما صرت هابط /مستوي انه
رَغم ما اني سَويتك بديه

--------

ماكو انسان بالدنيا /بلا هَم
واحنه الما تهنينه / بلاهم
الله ابلوة اجروحي / بلاهم
كلمن ما رضوك اتصير اليه!
-----------

مره أقرأ أبوذيه / بسته مره
وروحي الما تمله / بس تمره
أذكر وأنه جاهل / بسته مره
وطعم تين البقه اليهسه بيه

----------

راح اللي أحبنه /ولا راد
وكلبي ما يحب غيره / ولا راد
وبيتي الفاتح ابابه / ولا راد
يتوقع يجي ويسأل عليه!

--------------


هاج اجروحي لمن/ هَوجاني
وصار ابسبب جتلي /هوَ جاني
ترى اني ما رحتله/ هوَ إجاني
وسهم عينه الاجه/ وذَبني رميه
حسين االساعدي

[اسرار بلا عنوان]

ولا أجمل من تلك الأبوذيات
إبداع وتألق كبير
شكراً وتحية من القلب

[مريم الحبيبه]

كلمات رائعة
وعزف ممتع على وتر الابداع
مميز انت دوما
دمت بكل خير

[ارجع يازمان]

ولا أجمل من تلك الأبوذيات
إبداع وتألق كبير
شكراً وتحية من القلب

حضوركم اجمل دمتم بخير