هنا

[ارجع يازمان]

9-ابوذيات الشاعر حسين الساعدي-الجزء التاسع


اعزاز اعزاز ياما راحوا النه
وعليهم عمري كَله راح اونه
اشوفن للشماته راحه والنه
قهر ودموع والونه الخفيه


----------


دك الباب بيده وصاح /من هان!
جاوبته و كتلته الدرب /من هان
ترى اليغدر صديقه ايعيش/ منهان
ويبقى ابذلته/// اليوم المنيه!


-------
حسين الساعدي
راح اعبر شواطي النوح عِبره
على الما يوم حجيي اوياه عَبره
اَنه الما اخذت من دنياي عبره
وصار المضحكه / يضحك عليه

-------


روحي الساهرت بليل /ونعت
وضليت العن ابهل وكت/ ونعيت
مهيوب وحسافه انكسر /وانعت
والعتوني / ما بيهم حميه!

-------


حسنك مو طبيعي وحيل /جَذاب
لكن بالوعد ياحيف /جَذاب
حتى الصخر/ لو يهواك/ جاذاب
مثل كَلبي انتهى/ ابونته الخفيه

-------

الما جنك ابشده / وانتخلك
خلهن غاد عنك / وانتَ خَلك
كل خل اليوافي / وانتَ خِلك
تشفه ابطيحتك/ قبل المنيه

---------


تلكه بالوفي صورة / وَداعه
ويقبله الله كل طلبه / وداعه
لكن والله مو هين/ وِداعه
اليودع الوفي/ ايشوف الاذيه!

------



بيدك قيدتها الروح/ بسلاك
وصار الهم فرح والحزن/ بس لك
السلوك ابقهر عافوك/ بسلاك
وقرولك فاتحه/ كبل المنيه

---------

ذاك الخذت شوره ابيوم// من شار
شَراني وطلع ميجوز // مِن شَر
انه بلوه ابتليت ابطبع// منشار
ابجيته وروحته // اتلكه الأذيه
حسين االساعدي

[Daleen]

روووعات عاشت ايدك

[اسرار بلا عنوان]

فيها أبوذيتان مكررتان
أما البقية فغير مكررة

شكرا لك على الانتقاء
مودتي

[ارجع يازمان]

روووعات عاشت ايدك

دمتم بخير