لآ لطــآئفية ..
لآ لطــآئفية ..
تعالوا نحب بعضنه وننسى ما فات
تعب الحال الوطن من الخلافـــــــات
وحتى أطفالنه تعيش
وماتسأل بعد لــيش...
شرط قول و الفعل مو بس شعـــارات
تعالوا نحب بعضنه نعيش خوان
عامل ويــ كاسب ويــ فنــــــــــان
ونعمر الأرض ونبني الأنســان
وللعالم نظل مهد الحضــــــــــارات
تعالوا نحب بعضنه الأيد بلإيـــــد
نحطهه ياشعب ونقول شنريــــد
ونعوف الأمس خل نبدي من الجديد
من أجل الوطن ما عدنه غايــــات
تعالوا نحب بعضنة ونزرع أفراح
ونمسح كل دمع فوق الوجن طاح
ونصرخ يا حزن وقتك بعد راح
وماترجع قسم لا والله هيهات
تعالوا نحب بعضنة ونرفع الرأس
لأن بينه محنة وطيبة وإحساس
ولهذا الوطن نكون حراس
وبحضن الأمان بيوتنة تبات
تعالوا نحب بعضنة وتحلى البلاد
إذا أبونة العراق و أُمنه بغداد
والجا و اللعد و الكاكا لك داد
تجمعنه بوطن بأحلى لهجات
