هنا

[زين المواسي]

السلام عليكم :احبتي هذه مجموعة قصائد بقلم خادمكم وخادم الحسين عليه السلام
اخوكم ......سيد زين المواسي .... وهي مباحة للاخوة رواديد الحسين ع للاجر والثواب ..لاتنسوني من الدعاء اينما كنتم

القصيدة الاولى :

ياثار الثار ينتظرك .... على حر النار ينتظرك
قد حان الان ...دورك عجل مولاي ..... بظهورك
*********************
النص1
على بابـك حــزين ومنتظر طـلعة
وجفن عيني على خدي نشف دمعة
شعلت أسنيني يالغايـب الـك شمـعة
واحلفك سيدي بالطاهرة الـبضعة
وابنه الداستة الخيل وكسرت ضلعة
وابــعمـك هـذاك الجـفة مـنكَطـعة
اظهر سيدي وثارك من اهل الغدر رجعة

هامة وضلعين ... يالغايب
ينتظرن ديـن ... يالغايب
يـايوم ايهـــل ... نورك عجل مولاي .... بضهورك

*******************
ياثار الثار ينتظرك....


النص2
الدهر يالمهدي ما خلة الك انصار
وقــليلة الظلت اطالب الك بالثار
خافت سيدي لمن دنتها النــار
والـلي اتحبك بيها الزمان اندار
يسمون السبو زينب بــالثوار
ويدخل جنة عدهم لو ذبح زوار

وهاي الانصار .... يالغايب
بســم الـكـرار .... يالغايب
يايوم اروح .... ونزورك عجل مولاي .... بظهورك

**********************
ياثار الثار ينتظرك


النص 3
سجن دنياي مؤبد ما يصدر افراج
ظلم اهل السقيفة وذاك ابن حجاج
علينة انعاد مضاعف والعدد افواج
مظلومة الشيعة يالمهدي الك تحتاج
لوين انظل يابوصالح على هالمنهاج
تـرد انحـلــفك بدم أمكطع الاوداج

وبحق عباس .... يالغايب
ارحم هالناس ... يالغايب
تتامل شوف ........نورك عجل مولاي ...... بظهورك

القصيدة الثانية : لقاسم اهل البيت (( القاسم بن الحسن عليهما السلام ))

شبان ...... للحومة زف
شبان ..... كل واحد بالف
شبان .......... احلى من الورد
شبان ......... راحت ما تـــرد
******** ********** *******
النص1
يمى ذيج ايامكم ........... عدت علية
احلى من العيد واحلى .... من الهدية
يمى وين انطي الوجه..... بهاي المسية
يمى ليش ابلا اهــل ...... داري خـلـية


*********************
نيران .... بضلوعي تشب
نيران .... ابجي وانتحب
نيران ... بالخيمة تشب
نيران ............... ما طفاهه احد
شبان ......... راحت ما تـــرد

النص2
يم صوركم عيني راحت .... تنظر الـــهـة
يمى ولله الغيبة عــنـي ..... مو محـلــهـة
امكم العفتوهـــة ظلـت ..... تعيش امـلـــهة
الـكـل جفاهـة ومن بعدكم ... محد وصلــهة

**************
للدار .... ما واحد وصل
للدار ... لا ظل اي امل
للدار ... ولاظلت اهـــل
للدار .............لو عينك تــــصـد
شبان ............. راحت ما تـــرد


النص 3
يمى يالقاسم حــلم ... روحي وي ظنــهه
تحلم بشوف العرس... وتــحــني ابـنـــهه
سنينك العدن عـلـي .. لحظات جــنــــهه
عيوني ابد ماحسبت ... تــــبتـعـد عنـهه

*****************
احلام ... راسمــهه الامل
احلام ... مــوتـه الاجـل
احلام ... ماتدري شحصل
عالكاع .......... مذبوح الـــــــولد



القصيدة الثالثة (( العباس ع ))

لـــيـل السفر ..... مـا بي كمر
مـن أخوتي ..... محـد حـظر
لا ودعوني ولا وصلوني ولمن سبوني
مـحد حــظـر
000000000000000000000000
النص 1
مـو هــذا وعـدي وياكم ولاجانت هاي الوصـية
عفـتوني ويأل ما رحمني و ألغدركم يحدي بـيـة
من اجـيـنة مـن المدينة كلتوا من نرجع سويـة
آنة المحد شايف خيالي تتـفـرج الــوادم عـلـية

الشامت سأل ...... عـنـي خـبـر
مـن أخوتي ...... محـد حـظر
محد اجاني آيـا زماني بهمومي أعاني
مـحـد حـظر
0000000000000000000
لـــيـل السفر ..... مـا بي كمر
مـن إخوتي ..... محـد حـضر
لا ودعوني ولا وصلوني ولمن سبوني
مـحد حــظـر

النص 2
بــالبـوادي وبــالصـحاري امـشي واذّكـر حجيـكم
عاليـتــامة عيــوني مــرة ومرة اديرنـها عليــكم
مـرة أعـاتـب مـرة اعـذر ومرة أحشم ياهلي بيكم
صح اثـر سوط اهل متني بس اثر باقي من اديكم

من الكـمـر ....... بـاقي اثـر
من أخوتي ...... محد حظـر
من عاهداني وراح ونساني ظليت اتاني
مـحد حـظـر


.....................................

القصيدة الرابعة

جــم نـــار تسعر بدليلي
يــاخـبـــر يشفي غليلي
ليـلة مابيه كمر عن اخوي مارد خبر
ياخبر يشفي غليلي
*****************

النص 1

السما ظلمة .. الارض غربة ... والفرح اعلن وفاتة
الكمر غايب .. الكلب ذايب ... وخلة بس ذكرياتــه
يتيمة انــة .. عكب عباس ... روحي متعلكة بحياتة
نذر لو رد .. اطش عمري ... واغسل احزاني بفارته


لو رجع ... ينكطع عويلي
ياخبر ... يشفي غليلي
ابقى اتاني لو دهر عن اخوي مار خبر


النص 2
عفتني ابيا .. بخت باخوي ... وجوه الناس علي صفرة
انـة بعدك ... احسن جني .... وركة وفاركـت شجرة
عكب خدري .. ودلالي وياك ... ميرة مدللة وحـــرة
اسيرة امشي .. ويا جتالك ... وانتة تنام عالغـــبرة



من دمـــا يادمعة سيلي
يـــا خبر يشفي غليلي

خلي بالوجنة اثر عن اخوي مارد خبر
يا خبر يشفي غليلي











النص 3
انتهت وياك .. احلى ايام ... يابو فاـضل تفاركنة
اودعــنك .... دخليني .. لانــك ما تعاودنــة
واشم نحرك ... واشم جفك ...اذاراحل ياقائـــدنة
على فراكك .. ينهر الروح ... الله اللــي يساعدنة

والعطش لو يشتكيلي
ياخبر يشفي غليلي
لو سألت من النهر عن اخوي مارد خبر
ياخبر يشفي غليلي

[تشيللو]

شكرااااااااا اخي...

[علي النافعي المحامي]

ماجورين

[زين المواسي]

اجمعين

[هشام التميمي]

عاشت ايدك شكراااا

[الشاعر عمر العبيدي]

قصائد في قمه الروعه
ربي يحفظكم يارب

[صادق البدوي]

قصائد روعه