أنــــــــام بلاية عين .. !
أنــــــــام بلاية عين .. !
كل يوم ابقه افكر للصبح سهران
انام وجفني صاحي يفكر بهمي
أنام بلايه عين بلايه حته فراش
اخاف وبس انام تزورني بحلمي
اجذب لو كلتلك ألك مــــا اشتاك
واجذب لو كلت ماتجري وي دمي
كل يوم انوي ازورك واسال اني اعليك
ومثل عشرت كـــبُل تكعد فقط يمي
لكن صرت اخاف وابتعد مجبور
واضل اشكيك بس الورقتي وقلمي
لأن ادري من اشوفك لازم أنضر ليك
ولازم جفي يلمس ياترف جفيك
اخاف ارجع واصدك بيك يامغرور
اخاف النوب ارجع وانشغل بس بيك
لذلك راح احاول منك اهرب دوم
وبكد ما احبك ابتعد وانسيك
صعب دمع الرجل لمن تهل عيناه
واتخيل بعد سااعات اضل ابجيك
خلص كلشي انتهه والذكرى ماتنعاد
وتره حته الشعر مل من كثر طاريك
بس لاتنسه ابد انت السبب بالصار
وكل جروحي صارت من هذني ايديك
ولاتنسه ابد ... بس ادري انت انسيت
ولاجنك هذاك البييه حيل اقسيت
عله اعناد الحزن بعناد هالعذال
بعناد الضحك من شافني تأذيت
عله اعناد الدمع وغيوم شوك الليل
فدوه الروح الك فدوه انه من عانيت
رغم كلما عملته من العذاب وياي
وذنوب بسبب عملاتك اني اجنيت
مـــــــــــاحاقد ابد ...صدكني لا والله
وخير اتمنه الك .... رغم انته ما وفيت
رد مع اقتباس
