ردت اسولف عالوطن بس استحيت
لان بيدينة ذبحناه للوطن
ياوطن معقولة كل هذا اليصير
شفت اخوية بظهري سچينة طعن
شفت كومة اطفال في عمر الورود
تنذبح بيدين گلبة المايحن
شفته بعيوني الكتل حر مستريح
والشريف بقعر سرداب انسجن
ياوطن شحچي وشكول اني عليك
وطن من اشماله لجنوبة حزن
رايد ارسم قصتك وابچي وانوح
وارد اسولف واشتكي لكن لمن
حتى رب الكون سوة اللي علي
تمسكوا بحبل الله جميعا ياشعب
هيچ رب الكون وصاكم يناس
وانتوا بييكم شعلتولة حطب
لان هذا اسمه عمر لازم يموت
وذاك چي اسمه علي هم ينضرب
هو هذا اسلامكم يهل العراق
حتى دين الله بيديكم خرب
وين ذيچ ايامنه الماضن تعود
چنه من نلتم نسولف بس طرب
ماتعود يامنه وشي مستحيل
والامل من عدنه صدگني هرب
لان هذا الوطن مات وما يعود
حتى ما ظلة اثر چي يندفن
ردت اسولف عالوطن بس استحيت
لان بيدينه ذبحناه للوطن
رد مع اقتباس
المشاركة الأصلية كتبت بواسطة اسطورة زماني
