يا دمع المحبة اليغسل ذنوبي .. كل شي بهل الوجود يصيح محبوبي نطقت الجماد وصاح حبيته خليت البحر مجنون خليته
سبحان الي جعل هذا العشك فطري
بالدم بالنبات وبالحجر يسري كل شي يصيح بيدك سلمت أمري
مالكني هواك وفدوة الك عمري بجيت الكمر والليل بجيته خليت البحر مجنون خليته
مشتاق التراب يقبل جفوفك وتصيح الشمس بليل ملهوفة ويذوب الجبل لو رتل حروفك كلشي يصيح أحبه وغايته يشوفه نسيت اليحبك أسمه نسيته خليت البحر مجنون خليته
راد الليل فترة ليل ممدودة ويريد النهار تطول حدوده واحد يحسد الثاني على وجوده يحسين على حبك كلهه محسودة راويت العجب للناس راويته خليت البحر مجنون خليته
يا شوك الأرض من تسحك عليهة تتباهى ويغار الماي تاليهه قطرات المطر تعرف معانيهه كل قطرة قصيدة شوك تهديهه دليت الشجر علماي دليته خليت البحر مجنون خليته
يا أجمل حبيب يعيش في بالي تحسدني عليك عيوني وخيالي موبس آنة أحبك كلهه يلغالي كلهه تصيح بس حسين يحلالي من حبك ألف فرعون ذليته خليت البحر مجنون خليته

مع أطيب تحياتي