بسم الله الرحمن الرحيمالمواطن ؟
هو ذلك الكائن شبه الحي الكثير الشكوى والطلبات
وما يعجبه العجب ولا الصوم برجبالمسئول ؟
هو ذلك المواطن السابق
الذي تحول من مواطن داخل شرنقة بعد مروره بمراحل النمو
الى رجل صاحب نفوذ وفلوس وله اجنحةماذا يريد المواطن من المسئول ؟
يريد ما يلي :أن يقوم المسئول بقطع خط الكهرباء الخاص عن بيته ودائرته
ويحولها للمواطن حتى يشوف مسلسلات رمضانيةويريد :
ان يطلع المسئول بالحر وهو صايم يتفقد احوال الناس
ويفتح بابه لكل من هب ودب من المواطنين لسماع شكاويهم
وطلباتهم التي لا تنتهيويريد :
أن يداوم المسئول بدائرته بدون اجازات
حتى يلحگ على معاملات المواطنين وينجزها وهو مبتسم
وعايف بيته وجهاله بوحدهم باورباويريد :
ان يقوم المسئول بتعيين ( حمد ) و ( سوادي)
بالوزارة الي تلائم شهاداتهم الجامعية ويترك أقاربه وجماعة
الحزب مالته الي وصله للمنصب بدون تعيين يبيعون حاجة بربع
على الچنابر بباب الشرجيويريد :
من المسئول يتنازل بشكل سلمي عن السلطة مالته والكرسي
والله شدعوه ؟ مو المواطن لغمط اصبعه بحبر بنفسجي !ويريد :
الوزارات الامنية تعرض نفسها وعناصرها لخطر المفخخات
والانتحاريين حتى هو ياخذ عائلته ويروح يتونس بالزوراء لو مدينة الالعابويريد :
يحچي بالفضائيات بكيفه على الحكومة
وما احد يعتقله ويريد يتظاهر بدون اجازة من الاجهزة الامنية
وما احد يضربه بطلقةأسمع يلمواطن زين وحط كلامي ترچيه بأذنك
اذا اردت ان تطاع فاطلب المستطاع
السادة المسئولين مو عطالين بطالين بس يخدمونك يلأفندي
ذوله ناس وراهم حروب علكراسي وبس واحدهم تغفل عينه عن مكانه يطير
وبمكان ما تطالب بالكهرباء حتى تشوف مسلسلاتخلي المسئول يشوف شغله
لأن بس تنگطع الكهرباء عن بيته ربع ساعة
وتنطفي كاميرات المراقبة واجهزة الانذار
يطيرأتق الله يلمواطن بالمسئول
وتأدب في حضرة الحكومة
والسلام
رد مع اقتباس
