درر العراق

عباس العامري · 2/February/2014

للكبير المرحوم
عبد الحسين الحلفي

اكو بيهم يرد الروح ملكاه
واكو بيهم غثيث ايطلع الروح
اليغثك دائمن تتلاكه وياه
ويصير كبال عينك وين متروح
اذا تضحك ابوجه اليشمر ارماح
ايجوز الي شمرهه ايموته النوح
ايجوز بلايه دم موجود ذباح
ايجوز اشوف دم بس ماكو مذبوح
لتضل تاكل ابروحك عله الراح
لانك بس تغص تشرب بل جروح
ايجوز الراح مايتوالم وياك
او منكم فرد واحد يبقه مسموح
اذن خل روح لاتعتبره باقي
اذا تعتبره باقي انت لتروح