هنا

[fairy touch]

هلوووووووو
منو يعرف بالموبايلات ...ومطلع هسة شكو ماكو خل يكَوللي...شنو اكو موبايل 2 سيم كارد مو صيني ومو سامسونك؟

وشكو موبايلات مواصفاتها زينة هسة بسوكنا ...وسعرها زين ؟..يعني بحدود ال200 $...

ميرسي عالاجابة مقدما ...لحد يبخل برأيه.

[جعفر الحمداني]

والله خوية اني عندي موبايل سامسونج d780 شريحتين بس اصلي والله خوش جهاز وقوي وكولش حلو
واذا تريدن جهاز اصلي دزي اي شخص لمركز الرسول واكو واحد هناك اسمة علي صلال بس خل يكله اني من طرف جعفر
وبيج خير وتدللين

[fairy touch]

اخوية جعفر ...الف شكر عالجواب ..بس ترا يمكن انت متدري اني مو من الكوت ..الف تحية الك ..وتسلم ...وان شالله اسأل عالجهاز اللي ذكرته .

[جعفر الحمداني]

اخوية جعفر ...الف شكر عالجواب ..بس ترا يمكن انت متدري اني مو من الكوت ..الف تحية الك ..وتسلم ...وان شالله اسأل عالجهاز اللي ذكرته .

بصراحة لا ماعرف
بس من تشترين هذا السامسونج خل يفتح الجهاز ويقرة مكتوب علي made in samsong
هذا الاصلي

[علي الواسطي]

اخت فايرو يوجد اجهزة سامسونج بخطين احسن من الاجهزة الصينية الصنع والسنغافوري



الاول : samsung-d880







الثاني : Samsung-Duos-D780




الثالث : Samsung/SGH-D980




تقبلي تحياتي

[علي سالم]

الحقيقة آني مشتري موبايل قبل سنة وبعد ما شفت السوك من يومهة خخخخخخخخخخ

بلكت الأخوان يساعدوج

[Snow Girl]

ماادري
اني اريد موبايل ب5000 يكلولي ماكو والله حالة هالله
فيرونة متاخذين موبايلي خطين وحلو وبي لزكات ع الغلاف خليت
يخبل وداعتج

[علي الواسطي]

سنو الموبايل اللي ترديه ب 5000 دولار لو دينار ماحددتي المبلغ بالدينار لو بالدولار

[fairy touch]

شكرا لمرورك الثاني جعفر ..وللنصيحة ...

علي ...جوابك رائع ..الف شكر وتقبل التقييم...

سنو ...ما اريد عليه لزكات ..قابل ماخذته للروضة ..خخخخخخ...زين بس هو شنو ما كلتيلنا ...خاف يطلع هندووووو...

بالمناسبة ترا سؤال علي كلش وجيه ...

اشكر مروركم مرة اخرى وما قصرتوا ...

[Ali Onger]

ست فاير نصيحة مني لا تاخذين موبايل يشيل شريحتين gsm لان مضر بلصحة و والتردد الي يشتغل عليه اكثر من الطبيعي المسموح بيه و لحد هسة شركات الموبايل الي تشتغل ب (اوربا) ما مسموح الهم انتاج مثل هاي الاجهزة (لحد علمي لحد هذا اليوم) والجهة المسؤولة عن عدم انتاج هذه الانواع من الموبايلات هي saar والله اعلم....تحياتي ست فاير