بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ
قصيدة للشاعر المبدع جابر الكاظمي
نحسب محن يالغايب و الدنيه تدري اشبيها
بس انته التصفيها
****
نحسب محن نحسب اهموم و أحزان و الدنيه جارت و الدهر بينه خان
مو نار وحده بالضماير نيران و ثارات أجدادك طوتها الأزمان
من انين أبدي يالمهدي من انين أولها لو تاليها
بس انته لتصفيها
***
أول مصيبه اللي نعيش اوياها كسر الضلع للموت ما ننساها
أمك الزهره هالدهر عاداها تدري الزمان بيا وضع خلاها
انهض الثارك انهض ثارات لا تخليها
***
يبن الحسن أشرح الك ثاني امصاب امصاب الوصي جدك علي داحي الباب
سيف ابن ملجم صوبه اشلون اصواب و بطبرته ساجد وقع بالمحراب
جدك تصوب جدك هالطبره شيداويها
***
ثالث مصيبه الصخر من عدها ايذوب جم دوب تصبر عل المصايب جم دوب
و الحسن عمك جبده بالسم مصيوب لا تنسه ثارات الحسن يالمحجوب
جبده تقطع جبده هالمحنه تعلم بيها
***
يا يوم للثارات تنهض يا يوم ما سامع بكربله اشعملت هالقوم
قطعوا نحر جدك غريب و مظلوم شايف جسد يتغسل ابجاري ادموم
جسمه توذر جسمه هالفاجعه و ما بيها
***
و انجان بالطف شمر واحد موجود آلالاف شفنه مثله ما إلها احدود
ظاهره مسلم يمشي بمر المعبود لو تكشف الباطن تشوفه نمرود
بسمك تصيح الأمه دنيانه يا مهديها
***
و الدنيه طبع الدنيه يبن الأطهار اتخون الشريف و توفي ويه الغدار
تقلب انهار بليل و الليل انهار و تحسب احساب الشوق ويه الأثمار
رد مع اقتباس
