بعض الابوذيات والزهيريات الجميلة انقلها لكم بمناسبة مولد سيدة نساء العالمين
فاطمة بنت محمد صلوات الله و سلامه عليهما
شعشع بسم فاطمـه هذا الحفِل بَـل سِمه
من حيث هي للجـرح بنت النبي بلـسمه
و الناصبي دمره نغــــم الفرح بل سمـه
من تنذكر فاطمه يصيب النواصِـب وجل
ذاكرهه في هل أتى سُبحانه ربنـه و جل
من كل جليله تضل احسن واكمـل وَجَــل
كَبل الولادة زهــت نور و يشع بل سِمه
ابوذية
اله الكون فاطــم هـــو سماهه
وسمت بالنور يا مَحلا سماهه
إهــي جنـّه وعلي حيدر سماهه
و حسن وحسين لنجوم الزهيه
ابوذية
يسامع عطني فكرك وانتباهه
الك أخبار عنــــدي وان تباهه
أكلّك بيش نفخــــــــر وانتباهه
بحبيبة طه فاطمـــــــة الزجيه
حَبيبة طه وأمـــــه واهوه ابوهه
واْنه الأهوه بعلهه واهوه ابوهه
وام العادت أهوت واهوه ابوهه
بجهنم لان متـــــــــــوالي الزجية
الاختلاف في هذه الابوذية هو ان الجناس يقع في الكلمة ماقبل الاخيرة
واهوه الاولى تعني وهوَ ابوها
واهوه الثانية تعني اهوى ابوها اي اعشق ابوها
اهوه الثالثه تعنى هوى في نار جهنم
حي دار طه النبي يــــا سامِعـــي حي دار
جبريل بيها دهر بـِسـم الوَحـــــي حي دار
رضعت حليب المَجـِــد مِن طاهِره حَي دَر
شافت خديجه العجب من أنجبــــت فاطمه
أم الأبوهه اصبحـــــــت و الشيعته فاطمه
و ابهاي عندك سبب شيل الحزن فا طمه
وافرح بعد من صفت فاطم مــره الـ حيدر
و ابوذية بنفس المعاني
يسامع حيهـــــــه دار الآل حي دار
الحليب الطاهره الكل حين حــي دار
خديجة الام محمــــــــــد أب وَ حيدار
بعلهه الحيــــــــــــــــد حماي الحميـه
ثدايه الطيب در الوفه داريت
وعلي دنياي دورة حزن داريت
انه ام البنين شكثر داريت
وفديت اشبول للزهره الزجيه
------------------
عگب شباني هذا العمر مارد
وسهم افراگهم للچبد مارد
ليش حسين ويه الظعن مارد
وكواكب اربعه امقدمه هديه
---------------------
آنه اشچم عين لمصابي بچتلي
وعيون السمه اوياهن بچتلي
فگد حسين سيف وهم بچتلي
فديته باربعه ومارجع ليه
صفت كل المناقب منقبلهه
كوثر من تسمت منقبلهه
لبوالحسنين ربك من قبلهه
نزل جبريل زفاهم سويه
بس فاطم تسمت ام ابيها
ابو مريم الافضل ام ابيها
مثل مريم اختلفت امة بيها
لان للمصطفى نزلت هدية
مهجتي اعله الفرح هاليوم صارت
و صور عن مولد أم الحسن صارت
ابجمادي الثاني و العشرين صارت
وﻻدة فـاطـمـه الزهره الزجيه
عـلـوم الـزهره منهلنه و لوراد
ابـدجـرها يحله تسبيحي ولوراد
حـضـرنه الحفلت المولد ولوراد
نـقـدمـهـا الرسول الله هديه
شـمـس للعصمه و اتحفها سماها
سـمـت و الـخالق ابفضله سماها
إسـمـهـا فـاطمه و ربها سماها
و فـطمت شيعتها من نار السريه
اتـروح الروح من جسمي وردها
الـفـرح هـاليوم جاذبها وردها
الـلـيـلـه الدنيه فواحه وردها
تـفـوح ابـمولد الزهره الزجيه
كـرامـة فـاطـمه الزهره لبتها
قـصـد جـبـريل يخدمها لبتها
تـهـانـي الـلـيله أقدمها لبتها
و أبـارك زيـنـب بأمها الزجيه
فـاطـم يـا فضل يوصل فضلها
بـحـر بـالـعلم و التقوه فضلها
انـكـون ابـساعة المحشر فضلها
نـجـاة إلـنـه من النار السريه
الـيـحـبنه اعطور للخوه شملنه
خـدمـة فـاطـمه الزهره شملنه
ابـفـضـلها ان شاء يلتم شملنه
و نـحـيـي ابكربله حفل الزجيه
بـحـر الـجود و الحكمه فضلها
و كـل الـوادم اتـأمـن فضلها
أم الـحـسـن عـالـعالم فضلها
مـثـل فـضـل النبي سيد البريه
الـلـيـله اعله المحب نسّم هوالج
قـلـبـي مـا هوه الغيرج هوالج
كـلـمـا يـملك الشيعي هوالج
شـفـيـعتنه يا بنت سيد البريه
رد مع اقتباس
