دَوَّه صوت إعله المدار
نادى جبريل الولي
لا سيفَ إلاّ ذو الفقار
لا فتى إلاّ عليّ
أتخافك احيود المعاقل
كفو منك حيدره
من تطب الميمنتهه
أتحير بيك الميسره
طبرتك ميزان للحگ
ما تثنّي التطبره
وگامت الرحّه تدور
تطحن احشود وسره
والگمر منّك ورثهه
وصار سبع الگنطره
النار لو شبّت النار
أبنار غيضك تصطلي
لا سيف إلاّ ذو الفقـــــــــــار
لا فتى إلاّ عليّ
منهو بفراش الرسول
النام وتفدَّه الرساله
ومنهو حط جدمه عله متنَهْ
وفلّش اصنام الضلاله
ومنهو حارب جن كفرهه
ومنه سل سيف العداله
ومنهو سن نهج البلاغه
وضوّه مصباح الدلاله
يا عليّ اليتنخّه بسمك
اسمك بعرش الجلاله
ونكتب ويَّ الاطهار
واضح الخط وجلي
لا سيف إلاّ ذو الفقار...
لا فتى إلاّ عليّ
ويوم دارت بيه رحاها
ويوم ظل وحده الرسول
وفرّت الچانت تزامط
نحرت الخيمه الخيول
نادى يابو الغيث اغثني
يا عليّ فحل الفحول
عن ابن عمّك نبيّك
گمت بالصارم تصول
يا عليّ بوصفك نتيه
يا عليّ اتحيّر العقول
وبيك تتسمَّه الاحرار
سيدي خلافك شلي
لا سيف إلاّ ذو الفقار
لا فتى إلاّ عليّ
ويوم ضاگت يا علينه
بخيبر وردَّت زلمهه
مسح عن عينك الرمده
المصطفى وطيّب أَلمْهَه
اختارك الباري ورسوله
وسلّمك بيدك علمهه
وباب خيبر من قلعته
الهسّه حزوره فهمهه
وجندلت مرحب يحيدر
طبرتك بالنص جسمهه
انته سر من الاسرار
وبيك همنه ينجلي
لا سيف إلاّ ذو الفقار
لا فتى إلاّ عليّ
انته باب العلم حيدر
باب من علم الحبيب
ونته كل مقفول سرّه
حبك السرّ العجيب
ونته خاف انگول انته
من ثدي المرضع حليب
ونته مفتاح الشدايد
ما دعه بشدّه ويخيب
ونته بيك العِلَّه تشفه
يا عليّ وبسمك تطيب
بيك نتحدّه الاشرار
وبيك جودي ينملي
لا سيف إلاّ ذو الفقار
لا فتى إلاّ عليّ
رد مع اقتباس
المشاركة الأصلية كتبت بواسطة حيدر السعيدي
