ابو ذيات على اسماء البنات
اشلونكم بنات اشلون الصحه
حبايبي جبتلكم ابو ذيات ع اسماء البنوتات
بس هاا اذا البنت الي تدخل واسمها موجود
تقيمني
والولد اذا احم موجود هم يقيمني
اترككم مع الاسماء
واذا تقييمات من البقين هم ميخالف
نورتو يا ورود
هند
تحيي الموتة لو يمهم .. تمر هند
حلوة هواي ما ظنها .. تمر هند
خليط اعناب وافواكه .. تمر هند
وطعم بشفافهه ايسكر البريه
نور
راية وللجمال اتظل .. علم نور
وكلبي غاية امراده .. علم نور
اخذت اعمامي خطابة .. على نور
حطو عينهم حسدوهه اليه
نور
وجهج نور يا حلوة .. على نور
وبيت البيه صرتي انتي .. علاه نور
كلبي ايطير وايرفرف .. على نور
لأن نور الكلب والروح هيه
جنه
حبك صاغ كلبي وانتجنه
يريدك إن تعذبه وإن تجنه
شلون تضن اعوفك وانت جنه
إذا عفتك جهنم تصفه ليه
حنين
شبيه الخل لون يحضه. بحنينه
الكلب مغروم ويهيم. حنينه
بيمن احلف بربك .حنينه
حبيبت روحي هيه لهسه بيه
أحلام
نخيل ابلادي من خدج .. بلح لام
وجمالج ماكو ابد مثله .. بالا احلام
رهيبة وقاتمة الدنية .. بلا احلام
وبلايه اعيونهه الدنية رديه
أزهار
الأمل خضر بعمري نمه .. وأزهر
ودنياي اصبحت جنات .. وازهار
أحلم جنت طول العمر .. بأزهار
وهسة ازهار تغفة ابين ادية
أسراء
كلبج ما يحن مرة .. على اسراه
وكلبي شوي تقدمينه .. عله اسراه
لان حيل انتهه وذايب .. عله اسراء
وكلب اسراء ابد ما حن عليه
أسماء
امنشوفن ظل بعض ظلهه .. ولأسماء
أتيه كل معانيهه .. والاسماء
حرت لا نار ملمسهه .. ولس ماء
لا هيه وهم لا صدك هيه
أمل
حبيبة وصاحبة وهيه .. ام النه
وهية بهالحياة تبقه .. أملنه
أحن ابنية بالعالم .. أملنه
وانه بطيبتهه أبد ما مر عليه
أصالة
كلج ذوق يا حلوة .. واصالة
يحلمي الدوم اتمنه .. وصاله
يريت وننجمع آني .. واصالة
أنه بحبهه ملك والتاج هيه
افراح
بدونج ميتم الدنية .. بلا افراح
وفركنه الروح من بعدج .. بالف راح
أموت ما أعيش آني .. بلا افراح
لان هيةأفراح روح الروح هيه
ايمان
عله ايساري الحزن خله .. وعالايمان
ورغم ظلمه الوكت اصبح .. علي مان
وحق ربي الكلب ينبض .. على ايمان
وبلا ايمان متظل روحي بية
ايناس
كلبي ايفور وايرفرف .. على ايناس
وطير الشوك كل لحظة .. علي ناس
كل شوية تتوافد .. علي ناس
تريد انساهه لكن مو بديهبشرى
كتبته آنه اعله صدري .. وبش اسمهه
وبدل ما بشرى اصبح .. بشة اسمهه
تكلي منين بشة .. وبالشسمهه
أووين التوجعك هدت عليه
تبارك
يسبحانه العلي الخالق .. تبارك
أبدع حيل من صور .. تبارك
أسمع روحي لكليبي .. تبارك
لأنج يا تبارك صرتي اليه
دعاء
لمحبتي ادعوج مخلص في .. دعائي
ولجل يهديج الحن في .. دعائي
رجاءا لا تصديني .. دعائي
يالحبج سكن كل ذرة بيه
زهراء
يجينة أموردةوتزهي .. يزهراء
يأحلة ابنية بالدنية .. يزهراء
بجاهج يالزكية انتي .. يزهراء
ردت زهراء قسمة اتصير الية
زينة
جميلة معدلة حلوة .. وزينة
واظن للدنية اهي البهرج .. وزينة
الحياة بدونها وحشة .. وزينة
طعم وعطر للدنية الهنية
سمارة
السفن غركنن كلهه .. يم سمارة
وتضيع البيض كلهه .. يم سمارة
اريد بربي احلفج .. يم سمارة
وحمتي ابيش من جبتيهه اليه
شهد
أنا والشعر والعالم .. شهدنه
أروع شاعرة الحلوة .. شهدنه
اما تدرين بالفرحة .. شاهدنه
يوم الشفنه شهد الشمريه
شيماء
امضيع جني من تبعد .. لشي ما
واصيرن شي جمر يحرك .. لشي ماء
كلبي والنبض كلة .. لشيماء
لان هية الحياة بالنسبة اليه
طيبة
يعطر العطر والعنبر .. وطيبه
يحلوة ونازكة ووردة .. وطيبة
اذا هالروح عافتني .. وطيبة
لمس تلمسني روحي ترد اليه
عذراء
كلبج لو قسة اتحمل .. واعذرا
لأنج باهرة وطاهر .. وعذراء
اذا كلبي وكف نبضه .. وعذراء
نظر تنظرلي نبضي ايرد اليه
فاتن
بنات شكد شفت عدن .. وفاتن
لكن منضرج يسحر .. وفاتن
اذا جبنه الحسن كله .. وفاتن
أكيد لفاتنتنه الأغلبيه
فرح
كلبي من سمع صوتج .. فرح بي
وقبلج عمري ما شايف .. قرح بي
احب الكون لن انتي .. فرح بي
ومنيتي ابدنيتي اتصيرين اليه
مرام
سهم واحد عليج آنه .. مرامي
يلي احضانج وحبج .. مرامي
مثلج ما شفت صدكي .. مرامي
وأبد ما مرت اوصافج عليه
مروة
وحق الصفا البكمة .. ومروة
فراكج ضيم لا حنظل .. وأمر وَ
أحس الروح تتركني .. ومروة
اذا ضحكتلي روحي ترد اليه
هبة
الناس لربهه تنطيه .. وهبلهه
ونطيت الروح وكليبي .. هبة الهه
سحر سحرتنني صدكوني .. هبة الهه
نظرة عين تحيي من المنيه
(بشرى وسارة)بشرى اعلى الكلب جتني وسارة
_التحبهة أصبحت معشوكة واسيرة
_البنات أهواي بالعالم وسارة
_وي بشرى ترى نفس القضية_
ـــــــــــــ
(علا)
خذت كلبي وجرح روحي علاهن
ويجي البطران ويكلي علي هون
أبد موهين افراكج علا هان
عليج البعد شو رحتي من ادية
ـــــــــــــــــــــــــ ــــ
(نورة)
عليج الدرب ضل أضلم ونورة
شحيح ومحترك كلبة ونارة
أذا الدنيا أصبحت ضدي ونورة
أضل اعزف لحن هاي المسية
ـــــــــــــــــــــــــ ـ
(صبا)
أضل أعزف لحن روحي وصباها
وأحس اجروحي متكدسة وصبها
أصيح ابصوت أسمعيني صبا ها
تعالي وشوفي حالي شصار بية
ـــــــــــــــــــــــــ ــــــــــ
(اقبال)
تعالي وشوفي حالي اشصار واقبل
وعلية الدنيا تعكس ليش بااقبال
تعالي مري فرحي الروح أقبال
جا ترضين هسة آنة الضحية
ـــــــــــــــــــــــــ ـــــ
(أشواق)
ألج أحمل رسالة عتب وإشواق
أذا مشتاقة روحي أتكون أشووق
تدريني أضل اهواج أشواق
حتى أسمج كتبته انة اعلى ادية
ـــــــــــــــــــــــــ ــــــ
(وجدان)
كتبت ألغزل في حبها ووجدان
وأحس أحروفي جن شافن ووجدن
أبد للدنيا ما أهتم ووجدان
مثل الدنيا طلعت مو وفية
ـــــــــــــــــــــــــ ـــــ
(شيرين)
مثل الدنيا تحمل دوم شرين
أبسببها آنة المصايب علي شرن
أكلها شبيج ماتحجين شيرين
أتأشر الغيري حسبالي ألية
ـــــــــــــــــــــــــ
(ليلى)
تأشر الغيرة ليلة وليه ليلة
ونهارة عندة شنهو وشنهو ليلة
أسئلنة ويكول اليوم ليلى
نست يمكن حبيب الجاهلية
ـــــــــــــــــــــــــ ــــــــ
(نغم)
نست يمكن شنو أصلا نغمهة
وأذا تنسة الف قمة نقمهة
نسيتي الوعد لو أذكرج نغم ها
شصار بكلبج ابذيج المسية
ـــــــــــــــــــــــــ ــ
(ايمان)
يل كلبج ابد مابيه ايمان
تكولي افلان يحجيلي وأي من
أذا بعدج نفس وضعج ياأيمان
أنسيني بعد حد المنية
ــــــــــــــــــــــــ
(زينة)
أسألج كيفج أنتي زينة زينة
وضل أوياج زنج زنة زنة
أصيح ابصوت عالي زينة__زينة
مااريدج أبد كلج أذية
ـــــــــــــــــــــــــ ـ
(هالة)
مااريدج لأن باالروح هالة_
وأردد دوم هية وياي هي لي_
أحس الروح تنشد ليش هالة_
دوم بلا سبب تزعل علية_
ـــــــــــــــــــــــــ ــــ
(عبير)
دوم اعلى الكلب يزهي عبيرة_
وعلى درب العشك شالة يعبرة_
يجي البطران ويكلي عبيرة_
تحب غيرة يكول شلون بية
ـــــــــــــــــــــــــ ـــــــــ
(براء)
تحب غيرة جذب طلعت براءة_
وصفت بستان واثمارة بريئة_
ألف هنيالة كلمن حب براءة_
البراءة اتكون بيها صافي نية
ـــــــــــــــــــــــــ ــــــ
(رسلان)
البراءةتكون بيها حروف رس لن
وبس الها المعاني بشوك رسلن_
أذا حبيت أنته بيوم رسلان_
خليها الك تاج وهوية
ـــــــــــــــــــــــــ
(فتون)
البلبل بالقفص غرد فتونة
_ ابصوته ننتعش كلنا وفتنة
_ فتون ودوم محلاها فتونة
أذا حبت ترى حبها هوية
ـــــــــــــــــــــــــ ـــــــــ
(زهراء)
ابجنح فراشة من تكرب وزهرة
_ أبد ماهمها سم شامت وزهرة
_ القصائد تحلة بس الها وزهراء
اقرب هية من روحي علية
ـــــــــــــــــــــــــ ــــــــ
(بسمة)
أقرب هية من روحي وبسمة_
الكلب حاجزهة يوم ودوم بأسمة
البنات بكل كتر صارن وبسمة
بقت نفس الجمال وذيج هية
ـــــــــــــــــــــــــ ـــ
(وردة)
بقت نفس الجمال وهية وردة
_ القهر فنة يصل ليها واردة
أسمها وحدة ضل شاهد ووردة_
هدى وتنزف عطر من كل زوية
ـــــــــــــــــــــــــ ـــــــــ
(نسمة-خلود-ريم-مريم)
تنزف بس عطر هبت ونسمة
وأضل سامي ابهوى حبهة وأنا اسمة_
خلود وريم وي مريم ونسمة_
محلاهن أذا انجمعن سوية
ـــــــــــــــــــــــــ ـــــــــــ
(اسيل وغادةورقية)
محلاهن أذا صارن مع السيل
_ وسالن كل محاسنهن مع السال
_ أسئلك هم شفت غادة مع اسيل
اجن خطار ويزورن رقية
ـــــــــــــــــــــــــ ــــ
(رفل)
الفرح جابن قصايد وي رفلها
_ وكلبي أسنين عاشك ويرف الها
_ أسئلج كولي أحبك أي رفل ها
السكوت اليوم ماحل القضية_
ـــــــــــــــــــــــــ ـــ
(غفران)
السكوت اليوم لارحمة وغفران_
وحتى اعيوني هم لامن وغفرن_
أشكد أسماء سميتج وغفران_
أردد بيه حد هاي المسية_
ـــــــــــــــــــــــــ ــــــ
(اسماء)
أردد دوم أضل أسماء واسماء_
ألأسمج كلبي ايقدس وأسماه_
كولي شكم أسم عندج ياأسماء_
حتى ارتاح روحي ترد الية
ـــــــــــــــــــــــــ ــــــــ
(زمن)
أدور وين كالولي الزمن وين_
وأدور وين كالولي الزمن ون_
أدور وين كالولي زمن وين
كلتلهم زمن لا مو الية_
ـــــــــــــــــــــــــ ـــ
(سحر-نرجس-سالي-ميعاد)
ابد ماتوفي ابموعد وميعاد
وكلبي مايحن الها وميعود
سحر وي نرجس وسالي وميعاد_
أذا يمشن سوة موصافي نية_
رد مع اقتباس
