من رفة جفون المحب
من ضحكة تراب اللعب
من شهگة سنين الجرح
من نسمة اورود الصبح
جيت وجبت لهل الملح
شوگ وفوانيس وجرح
من رفة جفون المحب
من ضحكة تراب اللعب
من شهگة سنين الجرح
من نسمة اورود الصبح
جيت وجبت لهل الملح
شوگ وفوانيس وجرح
الشوك دوله بلا حرس يحكمه شي اسمه العشك
السفر اله اكبر صعب
لازم جوازك من ورد
ولازم احساسك مو خشن
وبصمات ايدك تنفحص كون انته ماكاطع غصن
بكل وكت سارح خيالي.
ومن اجي البالي واگلبه...
الگاك غافي بحضن بالي..
ومن اشوفك كلشي احس بجسمي يحتر...
انطيني اديك ...
وخل انـگــع واهسي بلمسه جفوفك
مدري لوين ؟
ياخذني السهر والليل "
اسافر والگمر زاتوت وانا ادري السما بلا ريل …
يلمحتاج جيتك حيل دورني ،،
دورني وخذني وياك
نسيني التعب والهم !!
الك بيه سوالف هيل
ماتنسمع بس تنشم !!
الغيره لون..
وناس هذا الوكت كلش باهته
العاش كصه ابهألوكت ميت عطش
يذبل وتكسر الخاطر حالته
محد ايحب مالت الله
الله كلها اتعرفه طيب
عمي هاي الناس لا مو مالته........
خط حياتي وياك عاكس لأتجاه
يعني هسه أنته بدرب وآنه بدرب_
تريد مني انساك سابع مستحيل
إلا أذا ينشال على اليمنه
الگلب_
حزني اسود من شيلت امي
وماساة الطف زرعت هرشة
وحالف لو هوة يزت نعشي
لو اني الزاتوت بنعشة
لا تغرك هالعمايم
أكثر الرگي فطير
وأكثر أهل ألخيل مو خيالة
ولا تسأل اعله الشحم وشلون صار
ربما حتى الجسم مو مالة
لا ولا كل الشوارب للزماط مفتلات
اتصح زلم بس بالشعر فتالة
الفـرح ما يرهملي كلش ...
مـن آشوفه أبقه آون ..
والحـزن يرهملي كلش
يا بعد رووووحي الحـزن !!
في يوم زفاف اختها الصغرى ...كانت امها تردد الاناشيد وتقول(يوم الاختهة ) امام مسامع الحاضرين حتى جرحت بهذه الانشودة وقالت :
بزفتهة وامي تصيح يوم الاختهة
وانة احلم بعريس من كمطتهة
