هنا

[فقار الكرخي]

يمكن مابقه وللمـــــــــــــــوت لحظات
ويبدي الماردت فد يوم يبدي ..
كلشي تشوف يمكن هــــــــاي الايام
ضعنك والفرح للغير يحدي
ابجي وخلها تنزف عـــــــــــينك دموع
من اضيج بيك الموت يبطي
لاتتعب بعد وتحمل الاجـــــــــــــتاف
تره الجناز بس للكاع ينطي

[فقار الكرخي]

حَفنه همومهه الوادِم ونا تَل
وزِماني بِروض يِلزَمهُم ونا تَل
عَلَوَّه بِفَرح هُمَّه أوَّل ونا تال
مَكُون بِتال ويأَشِّر عليه

[فقار الكرخي]

تدري من اكضهه اشفاك راح انسه لحراج
تخيل سجن متروس بي صاحوا افراج

[فقار الكرخي]

عـابـريـن بطيـف والـدنيـا عـشـگ
شـاورتـنـي بـروحـك وگـتلك صدگ
لا تطــوف المستـحى بطرف الگـصـيـبــة...
ولا يجـيـسـك لــيــل والــوادم غـريـبـــة...
كـون مـن تـطـفـى الـشـفـايـف نحتـرگ
ردت اسـولـفـلـك عـلـيـنه ومـا حـچـيـت
ردت اگـلـك عـوفـنـي وشـفـتك بچـيــت
استـغـربتـني وچـانـت عـيـونـك وصـيـتــي...
وغـرّبـتنـي وغـيّـرت لـونـي وهــويــتـي...
الـمـالـگـالـه چـفـوف بـيـمـن يـنـشبگ
تـنحـنـي لـشـوگـك سـنـابـل مـسـتحـاي
غـازلتـنـي وعـيّـدت گــاعـي وســـمـاي
شـفايـفـك چـنـهـن طعـم خـبـــزة حــلال...
سـافـر بـروحـي مـواسـم بـس تـعـــال....!!
تـعـطـش عـيـون الـشـمـس من نفـتـرگ

[فقار الكرخي]

روحي يمك ...
عودتهه اتحن الك مثل النوارس
من تحن بشواكهه لماي الشواطي
روحي يمك ...
وانه باقي بلايه روح سنين عايش
فاركتهه هواي من يوم العرفتك
روحي يمك ..
نجمة اول ماعرفتك
فوك ليل رموشك بود علكتهه
ل ايهاب المالكي..

[فقار الكرخي]

حيلْ وَحشَه،
أخرَس يعيش [بلهاتي] ومنهو ليداين حَچي؟
ألليل يخلَص بالأحلآم {وآنه خلصّته بَچي}!
وأللي يسألني أعله حالي.
[شرد أجاوب؟]
ألگاع ماتحملني چانت،هسّه عالگصبه انتچي

[فقار الكرخي]

مسووودنين بلايه وجهك
مثل دمعات السوالف من تبات بحضن مو شرايهه
نكاسر غيابك ونين .. السكته تكتل ..
حركت الرعيان تطلع من يسولف نايهه

[فقار الكرخي]

تعب من الصبر كلبي ومل حيل
وللكاع انحنه جسمي ومل حيل
اشينفعه الفاكد احبابه ومل حيل
تره البهلول ميحل هالقظيه

[فقار الكرخي]

ساكت شرد اگلك
هو ضل السان
عندي وبيه اسولف واعترف معجب
شفتك من بعيد
وخذت كلشي وياك
انه ادري اشراح تاخذ مني من تگربّ!!

[فقار الكرخي]

اصكن بيك ارد مصكوك ما صاك
عمت عين اليكول اعليك ما صاك
هنيااله الي من شفاك مصاك
كل مصة ترد الروح الية