هنا

[فقار الكرخي]

راح انسه بكثر ما جنت أحن عليك
وحرك ذكريات العاشت بكتبي
واحط لوحه علگلبي وبيهه ممنوع
أحّذر كل بشر يدنه من كلبي
خاطر من أنام عيوني تاخذ نوم
موعله الدروب بكل وكت تربي
هنا باجر يجون وهنا يجون اليوم
هنا ما أجو حسافه وهنا نسو حبي
وما بين الامس واليوم انه أحتاريت
وتأمل الباجر وأنخه يا ربي...

[•·.·´¯`·.·•ڵۅڵۅ•·.·´¯`·.·•]

شكرًا ع الطرح منور

[فقار الكرخي]

نزلتي اهلا
وحللتي سهلا

[فقار الكرخي]

ما أختار غيرك لو ردت أختــــار
لأني بغير حبك لاتظن أقبــــل
خليني أعلة بالك وألعمر خطار
وعليك ألروح هامت وألكلب يسأل
تأمرني حبيبي وروحي ألك تنــدار
أجيب عيوني يمك تـــــــــأمر أدلل

[فقار الكرخي]

فقره بهل وطن ابكل شبر تلكون و عاشو بالأسم جي همه فقره
وحصة كل سياسي يسكن الخضراء مو مليون يعبر راتبه العشره...!!!

[فقار الكرخي]

يا أجمل قصيدة وبالوزن محكوم
ويا أروع ندى أعلى أوراق بستاني
يا نبع الكرم محتاجك هــ اليوم
مو تدري بغيابك طاحت أركاني
يا أجمل حلم وسط الجفن مرسوم
رحت والصور ظلت فوك حيطاني...

[فقار الكرخي]

طحت بمرض مثل امراض الاشجار
سكتاوي الالم ماتكدر اتلوع!!
وحك حزن الغروب ودمع الاشعار
انه بكلبي غصن للفرح مكطوع.

[فقار الكرخي]

ألف غيرك أحبه ولآ أحب بذات
وأكص رجلي بأديه لو آجت دارك
واطمنك ياحلو رغم الي شفته وياك
رآح أعمل بآصلي وأحفظ اسرارك

[فقار الكرخي]

لزمت القلم وانه بحركة اعتاب ...
كتله اكتب نسيتك راح اعوفك ....
ومن راح القلم تدري شطلع مكتوب ...
طلع مكتوب احبك يمته اشوفك ....

[فقار الكرخي]

تره الفاقد حنان يجازف هواي
المهم يلكه حبيب الي يريده
غزاله تحب نمر مافكرت بالموت
المهم شافت حنان بلمست ايده